നിയമങ്ങൾ എല്ലാം നല്ലതിനാണു്. കൊണ്ടു വരു കുറച്ചുകൂടി

സുപ്രീം കോർട്ടിനും, ഹൈ കോർട്ടിനും എളുപ്പം തീരുമാനം എടുക്കാൻ പറ്റുന്ന കേസുകൾ ഇപ്പോൾ സൈബർ ക്രൈം കേസുകളാണല്ലോ. ഇപ്പോൾ ശിവസേനയാണു് ഈ സ്വതന്ത്ര മാദ്ധ്യമാകാരുടെ പുതിയ ഇര. ഈ മഹാപാപം ചെയ്തതു കുരുത്തം കെട്ട ഏതോ ഒരു 19-വയസുകാരൻ ചെറുക്കനാണെന്നാണു് അറിഞ്ഞതു്. ഓർക്കുട്ട് പോലുള്ള വൃത്തികെട്ട സ്ഥലത്തു് നമ്മുടെ ഭാരതത്തിലെ മഹനീയമായ ഒരു സ്ഥാപനത്തെപ്പറ്റി വൃത്തികേട് എഴുതാൻ വേദി ഒരുക്കി എന്നതു് വളരെ ഖേദകരം തന്നെ. പിന്നെ മറ്റു് രാഷ്ട്രീയ ഇടപെടലുകളും അധികം ഉണ്ടാവില്ല. രാഷ്ട്രീയക്കാരുടേ മറ്റു സേവനങ്ങളെ താറടിച്ചു കാണിക്കാനായി അവരുടെ മേൽ വിവരമില്ലാത്ത ജനം ചുമത്തുന്ന അഴിമതി ആരോപണങ്ങൾ ഭാവിയിൽ ഉണ്ടാവരുതു്. വേണ്ടാത്തതു് എഴുതിയിട്ടിട്ടല്ലേ ഈ പ്രശ്നം എല്ലാം ഉണ്ടായതു്. പത്രക്കാരാണെങ്കിൽ വളര തിരക്കിലാണു് ഇപ്പോൾ. കേരള രാഷ്ട്രീയത്തിന്റെ ഓരോ ചലനവും ശ്രദ്ധിക്കണ്ടേ. മാത്രമല്ല ഇപ്പോൾ അധികവും ജനം ഈ ഓൺ‌ലൈൻ മാദ്ധ്യമങ്ങൾ ശ്രദ്ധിക്കുന്നതു കൊണ്ടു് അവർ ഇതിനു കൂടുതൽ പ്രാധാന്യം കൊടുക്കുന്നതും ഒട്ടും ശരിയല്ല.

കൊലപാതകം പോലും ഇത്രയും വലിയ ഒരു തെറ്റല്ല എന്നു മനസ്സിലാക്കണം. അതുകൊണ്ടാണു് നമ്മുടെ കോടതികളിൽ വർഷങ്ങളായി കെട്ടികിടക്കുന്ന മറ്റു കേസുകളെല്ലാം മാറ്റിവെച്ചിട്ട് ഈ ക്രൂരനായ പത്തൊമ്പതുകാരനെ നിയമനടപടിക്കു മുന്നിൽ കൊണ്ടുവരാൻ തീരുമാനിച്ചതു്. നമ്മുടെ നിയമനടപടികൾ ഒരുപാടു പുരോഗമിച്ചു എന്നുള്ളതാണു് ഇതിലൂടെ തെളിയുന്നതു്.

ഭാരതത്തിന്റെ പൈതൃകം കാത്തു സൂക്ഷിക്കുന്ന ഈ ഭടന്മാരെ കുറിച്ച് വൃത്തികേട് എഴുതാൻ വേദി ഒരുക്കുന്നവനെ ഒരു നിയമത്തിനും രക്ഷിക്കാൻ കഴിയില്ല. തലയിൽ എണ്ണ കോരി ഒഴിച്ചു്, സാരി ഉടുത്തു്, പൊട്ടും തൊട്ടു്, പിള്ളേരെ ഉണ്ടാക്കുന്നതിനു് പകരം ഭാരതീയ സ്ത്രീകൾ മധുശാലകളിൽ അഴിഞ്ഞാടുന്നതു് തടഞ്ഞവരല്ലേ ഈ ധീരയോദ്ധാക്കൾ. അവരെ കുറിച്ച് മോശമായോ ആക്ഷേപമായോ ആരെന്തെഴുതിയാലും അതു് തടയാൻ നിയമം ആദ്യം ഉണ്ടാവണം. നമ്മുടെ സ്ത്രീകളെ നിയന്ത്രിച്ചില്ലെങ്കിൽ അവർ വഴിപിഴച്ചു പോകില്ലേ? പിന്നെ ഇവരെ ആരു് വിവാഹം ചെയ്യും? ചിന്തിച്ചിട്ട് ഒരു എത്തും പിടിയും കിട്ടുന്നില്ല.

അതേ, എല്ലാത്തിനും ഒരു നിയന്ത്രണം നല്ലതിനു തന്നെ. പ്രത്യേകിച്ചും നമ്മുടേ പ്രിയപ്പെട്ട നേതാക്കൾ പാർലമെന്റിൽ നമ്മുടെ കാര്യത്തിനായി ചിലവാക്കാനും, മറ്റു പാർട്ടി ആവശ്യങ്ങൾക്കുമായി കൊണ്ടുപോയ പണം സൂട്ട്‌കേസിൽ നിന്നും പുറത്തെടുത്തപ്പോൾ ദുഷ്ടന്മാർ അതു് T.V.യിൽ പകർത്തി. നമ്മുടെ ജനത്തെ തെറ്റിദ്ധരിപ്പിച്ചു. അതു് കോഴപ്പണമാണെന്നു പറഞ്ഞു. T.V. ചാനലുകളെ തൂക്കി കൊല്ലുക തന്നെ വേണം. ദേശദ്രോഹമല്ലേ T.V. ചാനലുകൾ ചെയ്തതു്. ഞാൻ ചോദിക്കുന്നു എവിടായിരുന്നു ഈ ജനങ്ങൾ? എവിടായിരുന്നു ഈ നാട്ടിലെ പത്രക്കാർ?

നമ്മൾ ശ്രദ്ധിക്കേണ്ട മറ്റൊരു കാര്യമുണ്ടു്. ഈ സ്വതന്ത്ര മാദ്ധ്യമം എത്ര ഭയങ്കര പ്രശ്നങ്ങൾ സൃഷ്ടിക്കുന്നു എന്നു നമുക്കറിയാവുന്നതിനെക്കാൾ നമ്മുടെ കോടതികൾക്കറിയാം. അടുത്തു് നടന്ന ഭീകരാക്രമണത്തിന്റെ തെളിവെടുപ്പും മറ്റു അന്വേഷണങ്ങൾ പോലും ആരും ഇത്രമാത്രം പ്രാധാന്യം കല്പിച്ചിട്ടില്ല എന്നു് നാം ഓർക്കണം.

ഈ സ്വതന്ത്ര മാദ്ധ്യമം തന്നെ ആവശ്യമില്ല. വെറുതെ മനുഷ്യരെ ചിന്തിപ്പിച്ചു് ടെൻഷൻ ഉണ്ടാക്കേണ്ട വല്ല കാര്യവും ഉണ്ടോ? ഇതിനെല്ലാം വളരെ എളുപ്പത്തിൽ ഒരു തീരുമാനം ഉണ്ടാവുന്നതെങ്ങനെ എന്നാൽ: ആദ്യം ഇന്റർനെറ്റ് നിയന്ത്രിക്കുക. ചൈന ചെയ്തതു പോലെ പ്രശ്നക്കാരായ എല്ലാ സൈറ്റും ബാൻ ചെയ്യുക. വിദേശികൾ എന്തെങ്കിലും പരിപാടിക്ക് കൂട്ടമായി രാജ്യത്തു വരുമ്പോൾ മാത്രം കുറേശ്ശെ തുറന്നു കൊടുക്കുക. സർക്കാറിനെയും നമ്മുടെ ജനസേവകന്മാരായ നേതാക്കളെയും ചോദ്യം ചെയ്യുന്ന എല്ലാവനേയും അകത്ത് ആക്കുക.

സർക്കാർ നമുക്ക് എല്ലാം ചെയ്തു തരുന്നില്ലേ? പിന്നെ എന്തിനാണു് ഈ 24 മണിക്കുർ ന്യൂസും ഇൻ‌വെസ്റ്റിഗേഷൻ ജേണലിസവും? ഇൻ‌വെസ്റ്റിഗേഷൻ ചെയ്യാൻ ഇവിടെ സർക്കാരിന്റെ പോലിസ് ഇല്ലേ? CBI ഇല്ലേ? കോൺഗ്രസ് വർക്കിംഗ് കമ്മിറ്റി ഇല്ലേ? ചില ജോലികൾ വളരെ സമയം എടുത്തു ചെയ്യണം എന്നുള്ളതുകൊണ്ടാണു് 10, 20 വർഷം എടുക്കുന്നതു് എന്നു നമ്മൾ മനസ്സിലാക്കണം. അല്ലാതെ അതു് നമ്മുടെ സംവിധാനത്തിന്റെ കുഴപ്പമല്ല.

സ്വകാര്യ ന്യൂസ് ചാനൽ എല്ലാം അടച്ചു പൂട്ടി ദൂരദർശൻ മാത്രം മതി നമുക്കു്. സർക്കാർ പറയുന്നതു മാത്രം കേട്ടു സന്തോഷമായി നമ്മൾ ജീവിച്ചു പോന്നൊരു കാലമുണ്ടായിരുന്നില്ലേ.

ഈ ഇന്റർനെറ്റ് എന്നോക്കെ പറഞ്ഞാൽ നമുക്ക് കുടുംബവുമായി ഇരുന്നു കാണാൻ പറ്റുന്ന വല്ലതുമാണോ? മൊത്തം തെറിയല്ലേ? ഇതു് ഇവിടെ നിരോധിച്ചിട്ടു് കൂടുതൽ കുടുംബസീരിയലുകൾ ദൂരദർശൻ ചാനലിനു് എടുക്കാൻ ഫണ്ട് അനുവദിക്കാനായി സർക്കാരിനോടു് ആവശ്യപ്പെടണം.

ഇനി ഒരു പ്രധാനപ്പെട്ട കാര്യം കൂടി നമ്മൾ ചെയ്യേണ്ടതുണ്ടു്. മതം, രാഷ്ട്രീയം, അഴിമതി, ലൈംഗികം, ദാരിദ്ര്യം, ഗുണ്ടായിസം ഇതുപോലുള്ള കാര്യങ്ങൾ പൊതു സ്ഥലത്തു് ചർച്ചചെയ്യാൻ പാടില്ല എന്നൊരു നിയമം വളരെ നല്ലതായിരിക്കും. അതുപോലെ നിരീശ്വരവാദികളെയും ഫെമിനിസ്റ്റുകളേയും എവിടെ കണ്ടാലും കയ്യും കാലും തല്ലി ഒടിക്കാനും ഒരു നിയമം നല്ലതായിരിക്കും.

മ്യന്മാർ, ബെലറുസ്, ഇറാൻ, സിറിയ, നോർത് കൊറിയ എന്നീ രാജ്യങ്ങളിൽ ഒരു സംഘത്തെ വിടുന്നതും സർക്കാരിനു ചെയ്യാവുന്നതാണു്. ഭാവിയിൽ നമുക്കും ഈ പട്ടികയിൽ ഒരു സ്ഥാനം ഉറപ്പിക്കാം എന്ന ചിരകാല അഭിലാഷത്തോടെ ഞാൻ നിർത്തുന്നു.

ജയ് ഹിന്ദ്

-------------------------
ഇതിലെ അക്ഷരപിശാചുക്കളെ ആവാഹിച്ചു് ഉച്ചിയിൽ ആണിയടിച്ചു് തറച്ചതിനു് ഉമേഷ് അണ്ണനു നന്ദി.പൊതു ജന സേവനത്തിനുള്ള എന്റെ അഭ്യർത്ഥന സ്വീകരിച്ച് ഇതു തിരുത്തിയ സുമേഷ് ചന്ദ്രനും നനി.

നിങ്ങൾക്കും ആകാം ഒരു ആൾദൈവം

ഒരു നല്ല മൂടു് ആൾദൈവം ഉണ്ടാകുന്ന അല്ലെങ്കിൽ ഉണ്ടാക്കപ്പെടുന്ന ചില രീതികൾ ചിത്രീകരിക്കാൻ കഴിഞ്ഞ മൂന്നു ലേഖനങ്ങൾ സഹായകരമായിക്കാണും എന്നു കരുതുന്നു. ഭാവിയിൽ ആൾ ദൈവം ആകാൻ താത്പര്യമുള്ളവർ വായിച്ചിരിക്കേണ്ട ഒരു ലേഖനം കൂടിയാണു് ഇതു്.


കമന്റിലൂടെ സുഹൃത്തു് സൂരജ് ചോദിക്കുന്നു:

"അയലോക്കത്തെ ശശിക്ക് പരബ്രഹ്മം ദര്‍ശനം നല്‍കി എന്ന് പറഞ്ഞ് നടന്നപ്പോള്‍ അവനു വട്ടാണെന്നും അഡ്മിറ്റ് ചെയ്തില്ലേല്‍ മൂക്കും എന്നും എല്ലാരും പറയുന്നു... അദെന്താ ചേട്ടാ അങ്ങനെ ?"

"അയലോക്കത്തെ ശശി"ക്ക് ഉണ്ടായ "ദർശന"ത്തിന്റെ വിപണന സാദ്ധ്യതകൾ മനസിലാക്കാൻ അവിടുള്ള ജനങ്ങൾക്ക് കഴിയാതെ പോയി. 'combleteli' കളഞ്ഞുകുളിച്ചു എന്നു പറയുന്നതായിരിക്കും ശരി.

ഇതുപോലുള്ള ഓരോ ദർശനവും cash-in ചെയ്യാനുള്ള തന്ത്രങ്ങൾ അറിഞ്ഞിരിക്കേണ്ടത് ഒരു വ്യക്തിയുടെ മാത്രമല്ല, ഒരു പഞ്ചായത്തിന്റെ മാത്രമല്ല, ഒരു നാടിന്റെ മൊത്തം ആവശ്യമാണു് എന്നു് നാം മനസിലാക്കണം.

അല്പം പണവും ഇത്തിരി ദീർഘവീക്ഷണവും ഉണ്ടെങ്കിൽ മണുക്കൂസിനേയും ഒരു ഒന്നാം ക്ലാസ് ആൾ ദൈവം ആക്കിയെടുക്കാൻ കഴിയും.


ആൾ ദൈവത്തിനെ ഉണ്ടാക്കിയെടുക്കാൻ ആവശ്യമുള്ള ഘടകങ്ങൾ.
1) ആദ്യം വേണ്ടത് ഒരു സുഹൃത്താണു്, ഒരു പരസ്യ-വിപണന ബുദ്ധിരാക്ഷസൻ(advertising and promotion genius)
2) നല്ല റീച്ച് ഉള്ള ഒരു മീഡിയ. ടി.വി. ആയാൽ കൂടുതൽ നല്ലതു്.

3) പ്രമുഖരായ ഒന്നോ രണ്ടോ ഭക്തന്മാർ. ഇവർ ആൾദൈവത്തിന്റെ പങ്കുകച്ചവടക്കാർ ആണെങ്കിൽ കൂടുതൽ നല്ലതു്. രാഷ്ട്രീയക്കാർ ആണെങ്കിൽ പിന്നെ പറയുകയും വേണ്ട.
4) ഒരു നല്ല four-colour press. സ്വന്തം പ്രസ് എപ്പോഴും നല്ലതാണു്. അതാകുമ്പോൾ പണി പുറത്തു കൊടുത്തു കാശു് കളയണ്ട
5) എവിടെയെങ്കിലും പ്രകൃതി ദുരന്തങ്ങൾ ഉണ്ടായാൽ ആൾ ദൈവത്തിന്റെ സ്ഥാപനത്തിന്റെ സ്റ്റിക്കര്‍ ഒട്ടിച്ച നാലോ അഞ്ചോ വണ്ടികൾ വെറുതേ അങ്ങോട്ടും ഇങ്ങോട്ടും ഓട്ടിക്കുക. T.V. കാരുടെ കാമറയുടെ മുന്നിലൂടെ ഓട്ടിക്കാൻ ഡ്രൈവറിനോടു് പ്രത്യേകം പറയണം.
6) സൌജന്യമായി വീടും, കുടിവെള്ളവും, വസ്ത്രങ്ങളും വാഗ്ദാനം ചെയ്യുക. ചുമ്മ ചെയ്യുക. വാഗ്ദാനത്തിന്റെ 1% മാത്രമെ പ്രാവർത്തികമാക്കാവു. അതു് മതിയാവും. അതിൽ കൂടുതൽ ചെയ്തിട്ടും കാര്യമില്ല. ഒരു വീടുണ്ടാക്കിയാലും ഒരു ലക്ഷം വീടുണ്ടാക്കിയാലും വാർത്തയിൽ കിട്ടുന്ന story-time ഒരുപോലെയാണു് എന്ന കാര്യം മറക്കരുതു്.
7) മാസത്തിൽ ഒന്നോ രണ്ടോ ഊക്കൻ press-release ഉണ്ടായിരിക്കണം. ചുമ്മ എന്തെങ്കിലും ഒക്കെ കാട്ടിക്കുട്ടുക. cabinetൽ ഇരിക്കുന്ന സഹ മന്ത്രിമാർ ചെയ്യുന്നതു് മാർഗ്ഗ ദർശനമായി സ്വീകരിക്കാം.

ഒരു വർഷംകൊണ്ടു ആൾ ദൈവത്തിന്റെ ബ്രാഞ്ച് ഓഫീസ് California-യിൽ തുടങ്ങണം. അവിടെയാകുമ്പോൾ പണപ്പിരുവിനു് സാദ്ധ്യത കൂടുതലാണു്.

ഈ രീതികൾ അയലത്തെ ശശി സ്വീകരിച്ചാൽ മാത്രമെ international നിലവാരമുള്ള ആൾ ദൈവമായി മാറാൻ കഴിയു.

ഇല്ലെങ്കി ചുമ്മ വെറും ലോക്കൽ ആശാൻ മരയ്ക്കാർ അപ്പച്ച പോലെ ആൾദൈവമായിപ്പോകും.

പിന്നെ ആൾ ദൈവത്തിന്റെ ജീവതത്തിനെക്കാൾ ഗംഭീരമായിരിക്കണം മരണം. വളരെ different-ഉം വറൈറ്റിയും ഉള്ളതായിരിക്കണം (ഇതു് ചുമ്മ മലയാളം സിനിമാക്കാർ പറയുന്നപോലെ ആയിരിക്കരുതു്.) തലയിൽ തേങ്ങയടിച്ചും, കപ്പലിൽ മുങ്ങിയും, ചുമ്മ ധ്യാനത്തിൽ ഇരിന്നൊന്നും മരിച്ചാൽ ജനത്തിനു് ഒരു impression ഉണ്ടാകില്ല. നാളത്തെ ജനം ഓർക്കണമെങ്കിൽ എന്തെങ്കിലും dramatic ആയിട്ടായിരിക്കണം. ഓർക്കുക: ഒരു ദൈവം മരിക്കുന്നില്ല. ഇതിലെ ചുമ്മ casual-ആയി കടന്നുപോവുകയാണു്. കഴിയുമെങ്കിൽ ഈ "കടന്നുപോക്കു്" ഒരു സ്റ്റേഡിയത്തിൽ കാണികളുടെ മുന്നിൽ വെച്ചു അവതരിപ്പിക്കാം. കൂടുതൽ dramatic ആക്കാൻ കക്ഷി യധാർത്തത്തിൽ മരിക്കണമെന്നില്ല. മരിക്കുന്നതുപോലെ അവതരിപ്പിച്ചാൽ മതി. കുറച്ചുകാലം കഴിഞ്ഞു് സ്വരൂപത്തിൽ ദർശനങ്ങൾക്കായി പുള്ളിയെ പ്രത്യക്ഷപ്പെടുത്തിക്കാം.

പണ്ടു പലരും ഈ ഐറ്റം അവതരിപ്പിച്ചു എന്നു കരുതി ആകുലപ്പെടരുത്, എപ്പോഴും വിജയിച്ചിട്ടുള്ള ഒരു നമ്പരാണിതു്.

ആൾ ദൈവം സാക്ഷാൾ ദൈവമായി മാറാൻ കുറഞ്ഞതു് ഒരു 100 വർഷമാണു് waiting period. അനേകം ദൈവങ്ങളുടെ ജീവചരിത്രത്തിൽ നിന്നും സംയോജിപ്പിച്ച ചെയ്ത ഒരു നമ്പര്‍ ആണു് ഈ 100 വർഷത്തിന്റെ കണക്ക്. ഈ നൂറു വർഷം പല ഭാഗങ്ങളിൽ നിന്നുള്ള കഥകൾ ശേഖരിക്കാൻ വളരെ സഹായകരമാകും. ഭക്തജനങ്ങൾ അൾദൈവം ചെയ്തതും ചെയ്യാത്തതും എല്ലം കൂട്ടികുഴച്ച്, ഊതി പെരിപ്പിച്ചു ഒരു മഹാ സമാഹാരം എഴുതുകയും ചെയ്യും. അങ്ങനെ ആൾദൈവം ദൈവമാകും.

ഒരു ദൈവം മേന്മയുള്ളതാണോ അല്ലയോ എന്നുള്ളതു് തീരുമനിക്കപ്പെടുന്നതു് ആ ദൈവത്തിന്റെ characterലും brand equityയിലുമാണു് . എത്ര സജ്ജീവമായി ദൈവഗുണങ്ങൾ പ്രചരിപ്പിക്കുന്നു എന്നതനുസരിച്ചിരിക്കും ആ ദൈവത്തിന്റെ വിജയം.

ഉദാഹരണം വെറുതെ ചൂടാകുന്ന ദൈവങ്ങളെ ജനങ്ങൾ അധികം ഇഷ്ടപ്പെടുന്നില്ല എന്നാണു് മനസിലാക്കാൻ കഴിയുന്നതു്. അതുകൊണ്ടാണു് ആദ്യകാലങ്ങളിൽ ദൈവം വെറുതേ തൊട്ടതിനും പിടിച്ചതിനും എല്ലാം ചൂടായതു്. എന്തെടുത്താലും പ്രളയം, പേമാരി, തുമ്മിയാലും തുപ്പിയാലും കലിപ്പ്, കോഴിയും, ആടും, പിള്ളേരെ വരെ കുരുതികൊടുക്കാൻ അവശ്യപെട്ടുന്നവൻ, ഒരു മര്യാദയില്ലാത്ത ദൈവം. പണ്ടൊക്കെ വെറും നിസാര കാര്യങ്ങൾക്കുവരെ ലോകത്തുള്ള സകല ജീവജാലങ്ങളേയും പുള്ളി ചുമ്മ വെള്ളത്തിൽ മുക്കി out ആക്കി കളയുമായിരുന്നു. അന്നത്തെ same പുള്ളിയാണു് ഇന്നും ഇരിക്കുന്നതെങ്കിൽ, മനുഷ്യന്മാരുടെ ഇന്നത്തെ ഓരെ തോന്നിവാസത്തിനു് എത്രതവണ ലോകം അവസാനിപ്പിക്കുമായിരുന്നു?

അതുകൊണ്ടാണു് നമ്മൾ മനുഷ്യർ പില്കാലങ്ങളിൽ develop ചെയ്ത ദൈവ സങ്കല്പം വളരെ compromising ആയിരുന്നതു്. പിന്നിടുണ്ടായ ദൈവം വളരെ സൌമ്യനും, സമാധാന ശീലനും, സ്നേഹമുള്ളവനുമായിരുന്നു.

പക്ഷെ Microsoftന്റെ upgrade പോലെ ദൈവത്തിനു് പുതിയ major അപ്ഗ്രേഡ് ഒന്നും ഉണ്ടായില്ല. ദൈവത്തിന്റെ ഒരു പുതിയ version ഉണ്ടായിട്ട് ഏകദേശം 1500 വർഷം ആയിക്കാണും.

നമ്മുടേതു് ഒരു ഉപഭോക്ത സമൂഹമാണു്, കുഞ്ഞിനു diaper വാങ്ങാൻ പോയാൽ കുറഞ്ഞത് ഒരു ഡസന്‍ ബ്രാന്‍ഡും അവയുടെ പല തരത്തിലുള്ള സൈസും ഷേപ്പും കാശുകൊടുത്തു നാം വാങ്ങുന്നു. ഇത്രയും choice വിസർജ്ജനം സൂക്ഷിക്കുന്ന ഡയപ്പേഴ്സിനുള്ളപ്പോള്‍ ദൈവത്തിന്റെ കാര്യത്തിൽ നമുക്ക് choice വേണ്ടെ?

തീർച്ചയായും വേണം. നമ്മൾ സൃഷ്ടിക്കുന്ന ദൈവങ്ങൾക്ക് നമ്മൾ നിശ്ചയിക്കുന്ന ഗുണങ്ങൾ ഉണ്ടായിരിക്കണം. കാരണം ജനങ്ങൾ അദ്ധ്വാനിച്ചുണ്ടാക്കിയ പണവും അഹോരാത്രം പ്രാർത്ഥനക്കായി ചിലവിട്ട സമയവും ഈ ദൈവങ്ങളിൽ നിക്ഷിപ്തമാണു്.

ഇന്നത്തെ പ്രശ്നങ്ങൾക്കു് പരിഹാരങ്ങളുള്ള ദൈവങ്ങളാണു് ജനങ്ങൾക്ക് ആവശ്യം. പണ്ടത്തെ ദൈവങ്ങളിൽ നിന്നും ജനം അവശ്യപ്പെട്ടിരുന്നതു്, മഴയും , രോഗനിവാരണവും, ചാകരയും, കൊയ്ത്ത കാലത്ത് നല്ല വിളയും ആയിരുന്നു. അതെല്ലാം ചെയ്തുകൊടുക്കാൻ സില്‍‌വര്‍ ഓക്സൈഡ് സ്പ്രേയും, നല്ല private ആശുപത്രിയും, yamaha out-board engineഉള്ള boatഉം, തേനീച്ചയെ വരെ out അക്കുന്ന നല്ല മൂത്ത വിഷമുള്ള കീടനാശിനിയും മതി.


ഇന്ന് ജനം ദൈവത്തിനോടു് ആവശ്യപ്പെടുന്ന കാര്യങ്ങൾ ഇവയാണു്:
മനഃസമാധാനം ഉണ്ടാക്കൽ; പരീക്ഷ പാസാക്കൽ; കുട്ടികൾ ഉണ്ടാക്കൽ; മകനു് ഗൾഫിൽ ജോലി ഉണ്ടാക്കികൊടുക്കൽ; മകൾക്ക് സൽസ്വഭവിയും Americaയിൽ IT ജോലിയുള്ള ഭർത്താവിനെ സംഘടിപ്പിക്കൽ; അടിക്കുന്ന ലോട്ടറി റ്റിക്കറ്റിന്റെ നമ്പർ കണ്ടെത്തൽ തുടങ്ങിയവയാണു്.

ഈ വക കാര്യങ്ങൾ ചില ലോക്കൽ ആൾ ദൈവങ്ങൾ അവരുടെ സേവനങ്ങളുടെ ഭാഗമായി ചെയ്തു തുടങ്ങികഴിഞ്ഞു,

എന്നുവെച്ചാൽ പഴയ ദൈവങ്ങൾക്ക് ഈ കാര്യങ്ങൾ നേരേചൊവ്വെ കൈകാര്യം ചെയ്യാനുള്ള voltage ഇല്ല എന്നർത്ഥം.

ഇവിടെയാണു് പുതിയ ദൈവങ്ങളുടെ ആവശ്യം ദിനം പ്രതി വർദ്ധിച്ചുവരുന്നതു്.

കാലം മാറുന്നതനുസരിച്ച് ദൈവവും പുരോഗമിക്കും എന്നു പ്രതീക്ഷിക്കാം. വരും കാലങ്ങളിൽ ദൈവത്തിനു, voice-mailഉം, emailഉം എന്റേതുപോലത്തെ ഒരു നല്ല ഊക്കൻ ബ്ലോഗും ഉണ്ടാകുന്നതും വളരെ നല്ല കാര്യമായിരിക്കും എന്നു് കരുതുന്നു.

എന്റെ ഡിസമ്പറിന്‍റെ ഓര്മ്മ.

ന്ത് ഒക്കൂലെടെ?

ഈ ഇണത്തില്‍ പാടണം

ഇന്നലെ തിന്ന പരിപ്പുവട....കിട്ടാതെ പോയ contract...ആ നശൂലം പിടിച്ച sub-contractor. ഒരുകാലത്തും ഗുണം പിടിക്കില്ലട നീ.... കാശു കടം വാങ്ങി തരികെ തരാതെ പറ്റിച്ച ഇരപ്പാളികള്‍ ... എന്നെ സ്നേഹിച്ചവര്‍ക്കു് മാത്രം ഞാന്‍ പുതുവത്സര ആശംസകള്‍ നേരുന്നു... ചുമ്മ എല്ലാവര്‍ക്കും നന്മ നേരാന്‍ ഞാനാരാ.. ബാക്കിയുള്ള തെണ്ടികള്‍ക്കും ദരിദ്രവാസികള്‍ക്കും ഒരു കോപ്പും ഇല്ല....

എന്തായിരുന്നു പോയ വര്ഷം. കണക്ക് കൂട്ടി കുറിക്കുമ്പോള്‍ ഇത്തിരി ലാഭം ഉണ്ട്.... പരിചയമുള്ള മുഖങ്ങള്‍ ഒരുപാടുണ്ടെങ്കിലും പരിചയമില്ലാത്തവരും പരിചയമുള്ളതുപോലെ നടിച്ചു.... ഈ വര്ഷമേങ്കിലും വണ്ടിയോടിക്കുമ്പോള്‍ റോഡില്‍ ഒരുത്തനേയും തെറി പറയരുതെന്നു കരുതി, നടന്നില്ല. January 1, 2008 00:05നു തന്നെ ഒരു ഓമാനിക്ക അതു കൊടുത്തു...നിനച്ചിരിന്നതുപോലെ തന്നെ വന്ന സൗഭാഗ്യങ്ങള്‍....അറിഞ്ഞുകൊണ്ടു തന്നെ ജീവന്റെ ഭാഗമായ്‌തീര്‍ന്ന സൗഹ്യദങ്ങള്‍......

പുതിയ ഒരു നരച്ച മുടി തളിരിടുന്നു. ഈ വര്ഷം കാര്യമായി തന്നെ dye തേയ്ക്കാന്‍ തീരുമാനിച്ചു... ആരും കാണാതെ ആ നരച്ച മുടികള്‍ മഷി പുരട്ടി ഒതുക്കിവെച്ചു... പിന്നെ തീരം തേടിയുള്ള യാത്ര അവസാനിക്കുന്നില്ല.... Ajmanല്‍ ഒരു നല്ല beach ഉള്ളതായി അറിഞ്ഞു... ഉച്ചക്ക് 1 മണിക്ക് പോയാല്‍ നല്ല ശന്തമായ വെള്ളമാണു്. 200 m വരെ കാല്‍ മുട്ടോളം വെള്ളം....ഓര്‍മ്മയുടെ കാലിപാട്ടകള്‍ സ്വരുകൂട്ടി വച്ചിട്ട് ഒരു കാര്യവുമില്ല...ഈ മല്ലുസെല്ലാം അല്പം കൂടി civil ആകുന്ന നാളക്കുവേണ്ടി സ്വപ്‌നം കാണാം...കണ്ടതും കാണുന്നതുമായ സത്യങ്ങള്‍ വിളിച്ചുപയാന്‍ എല്ലാവര്‍ക്കും കഴിയട്ടെ എന്ന് ആഗ്രഹിക്കാം.... മനുഷ്യര്‍ക്ക് ഗുണം ചെയ്യുന്ന എല്ലാ സ്വപ്‌നങ്ങളും, പ്രതീക്ഷകളും പൂവണിയട്ടെ എന്ന പ്രതീക്ഷിക്കാം. അല്ലാതെ എല്ലാം അങ്ങ് സ്വപ്നത്തില്‍ പോലെ നടന്നാല്‍ നാട്ടുകാര്‍ കൈ വെക്കേണ്ടി വരും...

അങ്ങനെ വീണ്ടും ഒരു happy hourനായി കാത്തിരിക്കാം...


Happy New year
note: ഈ പോസ്റ്റിനു് എനിക്ക് "പ്രചോദനം" തന്ന കുട്ടനു നന്ദി

Kaippally's Podcast 21

Kaippally's Podcast 21 പൊതുമാപ്പ്, Indian Consulate, വിമാനക്കൂലി, സന്തോഷ വാര്‍ത്ത, ബ്ലോഗ് മീറ്റ്

Kaippally's Podcast # 20

രാഷ്ട്രപത്നി
ആഗോള താപനിലയും കൊതുകും, അമേരിക്കയും,
താജ് മഹല്‍ എന്ന അത്ഭുതം

MP3 Download

Kaippally's Podcast 19.

powered by ODEO

Blog Review: ചിത്രങ്ങള്‍ painting
(അതെ ചിത്രകാരന്റെ ചിത്രങ്ങള്‍ തന്നെ !!)
Photo Blog Review: ....പാപ്പരാസി...
വെള്ളത്തുള്ളികള്‍ എങ്ങനെ പോട്ടം എടുക്കാം.

MP3 Download Link

Kaippally's Podcast 18 "ശ്രദ്ദയില്‍ പെട്ട ചില കമന്റുകള്‍"

powered by ODEO

ഇനി മുതല്‍ എല്ലാ ആഴ്ചയും podcast ചെയ്യഅന്‍ ശ്രമിക്കാം. ചില പുതിയ കാര്യങ്ങള്‍ കൂടി ചേര്‍ക്കുന്നതായിരിക്കും.

1) ഒരു ബ്ലോഗിന്റെ review ഉണ്ടാകുന്നതായിരിക്കും.
3) interesting comments
4) ഒരു ഫോട്ടോ പോസ്റ്റിനെ കുറിച്ചുള്ള review


ഇനിയും എന്തെങ്കിലും കൂടി വേണമെങ്കില്‍ പറയണം.

പലര്‍ക്കും odeo വഴി ഇതു കേള്‍ക്കാന്‍ കഴിയുന്നില്ല എന്ന് അറിഞ്ഞു. എന്നെ അറിയിച്ചാല്‍ ഞാന്‍ അതു് email ചെയ്തു തരുന്നതായിരിക്കും.

:)

Kaippally's Podcast 17 മലയാളം ബ്ലോഗില്‍ സ്ത്രീ സംവരണവും "ഞരമ്പ്" രോഗവും

മലയാളം ബ്ലോഗില്‍ സ്ത്രീ സംവരണവും "ഞരമ്പ്" രോഗവും

powered by ODEO

സഹോദരിമാര്‍ വിഷമിക്കരുത്. നിങ്ങളുടെ കൃതികളുടെ പോരയ്മയല്ല ഇവിടെ പരാമര്‍ശിക്കുന്നത്. ഇവുടുത്തെ ആണുങ്ങളുടെ രോഗത്തെ ചൂണ്ടിക്കാണിച്ചു എന്നേയുള്ളു.

അവിടെ പോയി കേള്‍ക്കാന്‍ പറ്റൂലെങ്കില്‍ ദാണ്ടെ ഇഞ്ഞാട്ട് ഇട്ട് അമുക്ക്.

ഇനി ഈ സിമന്റും കമ്പിയും ചുടകട്ട കഷണങ്ങളും....

മൂന്നാറില്‍ അനധികൃതമായി നിര്‍മ്മിച്ച എല്ലാ കെട്ടിടങ്ങളും പൊളിച്ചു എന്നത് വളരെ നല്ല കാര്യം തന്നെ. നേതാക്കന്മാര്‍ക്ക് കൊതി കെറു മൂത്തിട്ടാണു ഓടി ചെന്നു കഴിഞ്ഞ ഇലക്ഷനു കായി തരാത്ത എല്ല മൊയ്ലാളിമാരുടെം പള്ളക്കിട്ട് ചവിട്ടിയത് എന്നുള്ളത് വേറെ കാര്യം. അതിലോട്ട് ഒന്നും കടക്കുനീല്ല. രണ്ടു കൂട്ടരും ചെറ്റകളായതുകൊണ്ടു നമ്മുടെ നിലവാരത്തിനു പറ്റിയ വിഷയമല്ല.

എന്റെ ചില സംശയങ്ങള് അതൊന്നുമല്ല‍:

ഇനി ഈ ഇടിച്ച് പോളിച്ച ഇട്ട സിമന്റും കമ്പിയും ചുടകട്ട കഷണങ്ങളും എന്തു് ചെയ്യും? ആനയ്ക്കും പുലിക്കും തിന്നാനായി കാട്ടില്‍ കൊണ്ടു തട്ടുമോ? അതോ പൊളിക്കാന്‍ പോയവര്‍ ഇതിനെയെല്ലാം ലോറിയില്‍ ചുമന്ന് കയറ്റി നമ്മുടെ സ്വന്തം മാലിന്യ സംസ്കരണ സ്ഥാനങ്ങളായ railway track ന്റെ സൈഡില്‍ കൊണ്ടു തട്ടുമോ? അതോ ഇറച്ചി കോഴിയുടെ waste തട്ടാന്‍ മാത്രമായി നിര്‍മ്മിച്ചിരിക്കുന്ന പാലങ്ങളുടെ കീഴിലോ?

മണ്ണ് വാരി മണ്ണ് വാരി കായലുകളും ആറുകളും ആഴം കൂടി എന്നു നിലവിളിക്കുന്നവരുടെ സമാധാനത്തിനു് ഇതെല്ലാം കൊണ്ടു് അവിടെ കൊണ്ടിട്ട് നികത്തിയാലോ?

വേണ്ട. അതൊന്നും വേണ്ടിവരില്ല. എന്തായാലും ഈ കുടി ഒഴിപ്പിച്ച എല്ലാ സ്ഥലങ്ങളും തിരിച്ച് Forest Departmentനു കൈമാറാനൊന്നും പോണില്ല. സിമന്റും കമ്പിയും ചുടുകട്ട കഷണങ്ങള്‍ എല്ലാം അവിടെ തന്നെ കിടക്കട്ടേ. Foundation ഉറപ്പിക്കാനായി അതെല്ലാം അവിടെ തന്നെ കുഴിച്ചിടാം.

എന്തായാലും ദേവികുളത്ത് അടുത്ത വര്‍ഷം പോകുമ്പോഴ് പഴയ കെട്ടിടങ്ങള്‍ പോയി കുറേ പുതിയ കെട്ടിടങ്ങള്‍ അവിടെ തന്നെ കാണാം. ഇതായിരിക്കും ഈ Tourism വികസനം വികസനം എന്നു പറയുന്നത്, അല്ലെ?

3D - പാഠം ഒന്നെ !

അറിയാവുന്ന ഒപ്പികല്സ് മലയാളത്തില്‍ ഞാന്‍ നാട്ടുകാരെ എല്ലാം 3D പഠിപ്പിക്കാന്‍ ശ്രമിക്കാം. ഭാഷയുടെ പോരായ്മകള്‍ പോക പോക മണ്ണിട്ട് നമുക്ക നികത്താം.
-------------------
ഈ ത്രീഡി ത്രീഡി എന്നുമ്പറഞ്ഞ് എല്ലാവമ്മാരും ഇട്ട് ഉണ്ടാക്കുന്ന സാദനം നിങ്ങള്‍ കണ്ടിട്ടുണ്ടാവും. ഇതിന്റെ ഉദാഹരണങ്ങള്‍ നിങ്ങള്‍ ചില holywood ചിത്രങ്ങളില്‍ കണ്ടുകാണു. വളരെ നല്ല 3D പ്രയോഗം ആരും ശ്രദ്ധിക്കാതെ തന്നെ നമ്മെ എല്ലാം പറ്റിച്ച് അങ്ങ് കടന്നു കളയുകയും ചെയ്യും (ഉദ: Gladiator, The Perfect Storm). മഹ ചെറ്റ 3D പ്രയോഗങ്ങള്‍ "നാട്ടുകാരെ ദാണ്ടെ ഞങ്ങള്‍ പോക്കത്തിലെ 3D ഉപയോഗിച്ചിട്ടുണ്ടേ" എന്നുമ്പറഞ്ഞ് വിളിച്ചുകാട്ടുകയും ചെയ്യും. നമ്മളുടെ മലയാളം TV ചാനലുകള്‍ ഇതു വളരെ വര്‍ഷങ്ങളായി പഠിച്ചുകൊണ്ടിരിക്കുകയാണു. ഇപ്പോഴും പഠിച്ച് തീര്‍ന്നിട്ടില്ല എന്നാണു അറിഞ്ഞത്.

Computer ഉപയോഗിച്ചുണ്ടാക്കുന്ന ചിത്രങ്ങള്‍ videoയും filmഉം വെച്ചുണ്ടാക്കുന്ന ചിത്രങ്ങളുമായി കോര്‍ത്തിണക്കുമ്പെഴാണു നല്ല കലാരൂപമായി മാറുന്നത്. ദൃശ്യഭംഗിയാണു് ഈ മാധ്യമത്തിന്റെ പ്രാധാന ഉദ്ദേശം. അല്ലാതെ computer കോപ്രായം അല്ല.
(പ്രത്ത്യേകം മനസിലാക്കേണ്ട വേറൊരു കാര്യം കൂടിയുണ്ട്. "അപ്പച്ചന്റെ" 3D കണ്ണാടി വെച്ച് കാണുന്ന 3D അല്ല ഈ 3D. അത് വേറെ ഇതു വേറെ. അതും ഇതും തമ്മില്‍ ഉള്ള ബന്ധം പിന്നെ എപ്പോഴെങ്കിലും നിങ്ങള്‍ ഓര്‍മ്മിപ്പിച്ചാല്‍ ഞാന്‍ പറയാം. ഇപ്പോഴ് ചോദിക്കല്ലും !!)

ഇതു പഠിക്കാന്‍ നമ്മള്‍ അദ്യം തന്നെ ചില അഠിസ്താന കാര്യങ്ങള്‍ അറിഞ്ഞിരിക്കണം.

അളവ്:
കടലാസില്‍ ചിത്രങ്ങള്‍ വരക്കാന്‍ 2 പ്രധാന അളവുകള്‍ മാത്രം മതി. നീളവും, വീതിയും. മൂനാമത്തെ അളവായ ആഴം കൂടി ചേരുംബോള്‍ അതിനു മൂന്ന് അളവുകളുള്ള വസ്തുവായി മാറുന്നത്.

ലോകത്തില്‍ എല്ലാ വസ്തുക്കളേയും മൂന്നു അളവുകള്‍ കൊണ്ട് നമുക്ക് അളക്കാനും നിര്‍മ്മിക്കാനും കഴിയും. (ആളുകളെ ഇങ്ങനെ അളക്കാന്‍ കഴിയില്ല !!)


അപ്പോള്‍ പറഞ്ഞു വന്നത്. അളവുകളാണു്.

നീളം, വീതി, ആഴം. ഇതിനെ നമുക്ക് x, y, z ആയി ചുരുക്കാം. ഈ മൂനു അളവുകളും അങ്ങോട്ടും ഇങ്ങോട്ടും ചുമ്മ മാറ്റാവുന്നതാണു. ഒരിക്കല്‍ മാറ്റികഴിഞ്ഞാല്‍ പിന്നെ അവിടെ തന്നെ വെച്ച് പണിയണം. ചുമ്മ വീണ്ടും വീണ്ടും മാറ്റി കളിക്കരുത്. വട്ടാകും. മൂനു അളവുള്ള ഒരു വസ്തുവിനെ ചിത്രീകരിക്കുന്ന പ്രക്രിയയാണു 3D imaging എന്ന് പറയപ്പെടുന്നത്. ചലിക്കുന്ന വസ്തുവിനെ അളക്കാന്‍ നാലാമത്തെ അളവായ സമയവും നമുക്ക് ഇതിനോടൊപ്പം കൂട്ടാം. അതിനെയാണു "അനിമാഷം" "അനിമാസം" എന്ന് പറയുന്നത്. യേത്?

പ്രകാശം:
പ്രകാശം ഒരു വസ്തുവില്‍ പതിക്കുമ്പെഴാണു ആ വസ്തുവിനെ നമുക്ക കാണാന്‍ കഴിയുന്നത്. പ്രകാശമില്ലെങ്കില്‍ ഇരിട്ട് മാത്രം. ("ഇതുപിന്നെ കൈപ്പള്ളി ഇങ്ങോട്ട് ഒരുട്ടിയിട്ടില്ലെങ്കിലും നമ്മക്ക എല്ലാം അറിയാം" എന്നു് പറയരുത് ഉണ്ണികളെ !! wait)

ഒരു വസ്തുവില്‍ പ്രകാശം നിര്‍മ്മിക്കുന്ന വൈവിദ്ധ്യങ്ങള്‍ നമുക്ക് നോക്കാം. എല്ലാത്തിന്റേയൊന്നും മലയാളം ഒന്നും എനിക്കറിഞ്ഞൂട.

1) reflection പ്രതിബിംബനം
2) refraction കിരണഭിന്നത
3) Shine തിളകം
4) Texture (ആ !)
5) Shadow നിഴല്‍
6) Translucency പ്രകാശം കടക്കുന്ന അദ്
7) Glare പ്രകാശം അങ്ങന ചിതറി കാണുന്ന മറ്റെ അദ്
8) Radiosity/Radiance തേജ്ജസ്

ഇനിയുള്ളെതെല്ലാം അല്പം കടുപ്പമാണു് , പിന്നെ ഒരിക്കല്‍ പറഞ്ഞുതരാം. ഇത്രയും കാര്യങ്ങള്‍ ചേരുമ്പോഴാണു ഒരു വസ്തുവിനു് visual definition ഉണ്ടാകുന്നത്.

ചരിത്രം:
യുഗങ്ങള്‍ക്കു മുമ്പ്, (അതായത് 1969നു മുമ്പ്) ഇതിനെ ഒരു കലാരൂപമായി വികസിപ്പിച്ചവരാണു ശില്പികള്‍. അവമ്മാരു് നമുക്ക് നല്ല അടിപൊളി ചരക്കുകളുടെ രൂപങ്ങള്‍ കല്ലില്‍ കൊത്തിവെക്കുകയും ചെയ്തു. (ഉദ: തിരോന്തരം ശംഖുമുഖം ബീച്ചില്‍ കാനായി ആശാന്റെ മലര്‍ന്നടിച്ച് കിടക്കുന്ന "ഐറ്റം").

അപ്പോഴ് ഈ കലാരുപം ഒരു മഹാ സംഭവമാണെന്നു നിങ്ങളെല്ലാം മനസിലാക്കണം. 1969ല്‍ ആണെന്നു തോന്നുന്നു, 2001 a space odessey എന്ന സിനിമയില്‍ computer ഉപയോഗിച് കുറേ അധികം 3D പ്രയോഗങ്ങള്‍ ഉണ്ടായത്. പിന്നെ പഴയ King Kong എന്ന സിനിമ കണ്ട വട്ടായി Stephen Spielberg, "Jurasic Park" എന്ന സിനിമ ഉണ്ടാക്കി. അതിനു് ശേഷം കൈയ്യും കാലും കുത്താനിടമില്ലാതായി. എല്ലാ പഞ്ജായത്തിലും മുക്കിനു മുക്കിനു 3D, 4D, 5D, instituteകള്‍ തുറന്ന് ആരംഭിച്ച്. ഒരു 3D course കഴിഞ്ഞല്‍ രണ്ട് "D" ഫ്രീ എന്ന രീതില്‍ പഠിപ്പിച്ചു തുടങ്ങി. പഠിപ്പിച്ച് പഠിപ്പിച്ച് ഒരുപാടു പേര്‍ കാശുണ്ടാക്കി. ആരും 3D ഉപയോഗിച്ച് കാശുണ്ടാക്കിയില്ല.

അപ്പോള്‍ നമ്മള്‍ പറഞ്ഞു വന്നത്. 3D എന്തിനെല്ലാം ഉപയോഗിക്കാം എന്നാണു്.

Enineering
ഏതൊരു വസ്തു നിര്‍മ്മിക്കുന്നതിനു മുമ്പ് അതിനെ രൂപവല്കരിക്കാനും. പിന്നെ അതിനു ശേഷം Stress test, Simulation (മലയാളം "നഹിം" "നഹിം") ചെയ്യാനും കാശു തരുന്ന clientനെ കാണിക്കാനും. ഇതുണ്ടാക്കുന്ന sub-contractorsനെ കാണിക്കാനും. നാട്ടുകാരെ എല്ലാം കാണിച്ച് കെട്ടിടത്തിലുള്ള flatകള്‍ വില്‍ക്കാനും ഭയങ്കരമായി ഉപകരിക്കും. (ഇതെല്ലാം കെട്ടിടമുണ്ടാക്കാന്‍ plot വാങ്ങുന്നതിനും എല്ലാം മുമ്പാണു് കേടോ !!!)

Entertainment
ആനയും പോത്തും നമ്മള്‍ പറഞ്ഞാല്‍ കേള്‍കുമോ. ഇല്ല. അപ്പോള്‍ എന്തു ചെയ്യും. അവരെ എല്ലാം Spielberg ചെട്ടന്‍ ചെയ്തപോലെ കമ്പ്യുട്ടറില്‍ ഇട്ട് ഉണ്ടാക്കാം. ഒരു യഥാര്‍ത്ഥ മൃഗത്തിന്റെ കളിമണ്‍ പ്രതിമ എടുത്തു് വെച്ച് 3D സ്കാനര്‍ ഉപയോഗിച്ച് അതിന്റെ രൂപം computerല്‍ കയറ്റാം. (പണ്ടൊക്കെ ഇതിനെ scan ചെയ്യാതെ തന്നെ ഉണ്ടാക്കുന്ന computer "രാക്ഷസന്മാര്‍" ഉണ്ടായിരുന്നു അത്രെ). എന്നിട്ട് ഇതിനെ കൊണ്ട് പല കാര്യങ്ങളും ചെയ്യിപ്പിക്കാം. ഓട്ടിക്കം, ചാടിക്കാം. എന്തിനു്, ഒടുക്കത്ത scooby day bag വരെ "വില്‍"പ്പിക്കാം.

പിന്നെ പണ്ടുണ്ടായിരുന്ന കപ്പലും, വിമാനങ്ങളും, വണ്ടികളും എല്ലാം സിനിമക്കും gamesനും വേണ്ടി ഇടിച്ച് പോളിച്ചു കളയുന്നത് കഷ്ടമല്ലെ എന്ന് ഓര്‍ത്ത് അതിനേയും ഇങ്ങനെ ഉണ്ടാക്കാം. മുങ്ങിയ കപ്പലും ഇങ്ങനെ ഉണ്ടാക്കി കാണിക്കാം.

Medicine
വൃക്ക ക്കല്ല്, ഭ്രൂണം, അര്‍ബ്ബുദം, എല്ലാം MRI (Magnetic Resonance Imaging) Scanner വെച്ച് പകര്‍ത്തിയതിനു ശേഷം computerല്‍ പുനര്‍പ്രതിഷ്ടിച്ച് കാണാനും 3D imaging സഹായിക്കും.

എത്ര സുന്ദരമായ സാദനമാണു ഈ 3D. :)

ആരും പേടിക്കരുത്. തുടരും...

മൂന്നാറും "പോത്ത്" ആറും (part 1)

"ആറു് പോത്തുകള്‍. ആറാം പോത്തു കാമറക്കു പിന്നില്‍"

ഞങ്ങള്‍ മൂന്നാറില്‍ പോയത് പതിറ്റാണ്ടുകളുടെ ബന്ദമുള്ള ആറ് സുഹൃത്തുക്കളുമായിട്ടാണു. വര്‍ഷത്തില്‍ ഒരിക്കല്‍ ഞങ്ങള്‍ എവിടെയെങ്കിലും വെച്ച് ഇങ്ങനെ കൂടാറുണ്ട്. ഇത്തവണ അതു മൂന്നാറില്‍ വെച്ചായിരുന്നു.

ഞങ്ങളുടെ എല്ലാം അടുത്ത സ്നേഹിതരായ മുംബൈക്കരായ രണ്ടു "konkan brothers". പിന്നെ ഒരിക്കലും കൂടാന്‍ പാടില്ലാത്ത മൂനു പേരും. contractor, client & consultant. എന്തു ചെയ്യാം ആത്മാര്‍ത്ഥ സുഹൃത്തുക്കളായിപ്പോയില്ലെ. ഞങ്ങളെല്ലാരും ഒരുമിച്ച് ഒന്നു രണ്ടു on-going projectല്‍ ഏര്‍പ്പെട്ടിരിക്കുബോഴാണു് നാലു ദിവസത്തെ ഒരു ഒളിച്ചോട്ടം. ഈ നാലു ദിവസം മൂനുപേരും ജോലിക്കാര്യം സംസാരിച്ചാല്‍ ഇടി ഉറപ്പായിട്ടും കിട്ടും എന്നു ശപതം ചെയ്തിട്ടാണു ഞങ്ങള്‍ planeല്‍ കയറിയതു തന്നെ. വീട്ടില്‍ കാരണം പറയാന്‍ പത്തനംത്തിട്ടയില്‍ ഒരു clientനെ കാണാനും ഒരു legitimate കാരണം കണ്ടുവെച്ചിരുന്നു. ഭാഗ്യം!

നാലു ദിവസത്തിന്റെ ഒളിച്ചോട്ടം. അതാണു ഈ ചിത്രങ്ങള്‍. ഞങ്ങളുടെ കൂട്ടത്തില്‍ "സലിം അലി" എന്നാണു ഈ പണ്ടാരങ്ങള്‍ എന്നെ സ്നേഹാദരവോടെ വിളിക്കുന്നത്. "സലിം അലി" എന്ന ആ വലിയ മനുഷ്യന്റെ പേരു് എനിക്ക് ഒട്ടും ചേരില്ല. അദ്ദേഹത്തിന്റെ പാത തുടരാനുള്ള വിവരവും അര്‍പ്പണ മനോഭാവവും ഒന്നും എനിക്കില്ല. അദ്ദേഹം പക്ഷിശാസ്ത്രത്തില്‍ പലര്‍ക്കും സാക്ഷാല്‍ ഗുരുദേവന്‍ തന്നെയാണു.

"എന്റെ സുഹൃത്തുകളുമായി കാട്ടില്‍ പോയാല്‍ ഒരു കിളി പോയിട്ട് ഈച്ച പോലും അടുക്കില്ല."

ദേവന്‍ പറഞ്ഞ rajamala, chinnar, maravoor, എല്ലാം പോയി കണ്ടു. പക്ഷെ പക്ഷികളെയൊന്നും കണ്ടില്ല. എന്റെ സുഹൃത്തുകളുമായി കാട്ടില്‍ പോയാല്‍ ഒരു കിളി പോയിട്ട് ഈച്ച പോലും അടുക്കില്ല. അത്രമാത്രം spiritഉ അത് ഉള്ളില്‍ കിടന്നുണ്ടാക്കുന്ന കോലാഹലങ്ങളും കേട്ടാല്‍ കാട്ടാന പോലും തിരിച്ചോടും. പക്ഷെ ഞാന്‍ അതെല്ലാം ക്ഷമിക്കും. അവര്‍ എന്റെ പ്രീയപ്പെട്ട കുഞ്ഞ് സഹോദരങ്ങളാണു.

ന്ന പിടിച്ചോ വീണ്ടും ഒരു അക്ഷരം

ഇതു കെവിന്‍ അവശ്യപ്പെട്ട "Fa" എന്ന മലയാളത്തിലെ പുതിയ അക്ഷരം. Father എന്ന Fa. ഫലം എന്ന Fa അല്ല

വലീീീീീീീീീീീീയ വരികളും, പിന്നെ തെറിയും

ദ വലീീീീീീീീീീീീയ വരികളും, പിന്നെ തെറിയും


powered by ODEO

ചിത്രകാര ദാ നീ famous ആയെടേ !!

Kaippally's Bodcast No 14

Podcast12 നുള്ള മറുപടി

ഉമേഷ് അണ്ണ:
എന്റ ലേഖനത്തിനൊന്നും കമന്റ് കിട്ടാത്തതുകോണ്ടാണു എന്നു നിങ്ങള്‍ക്ക് തോന്നുനു എങ്കില്‍. തെറ്റി. നിങ്ങള്‍ വയിച്ചൊ എന്നറിയാനുള്ള വ്യഗ്രത മാത്രമായിരുന്നു. ഇനി തൊട്ട് വെറുതെ ഒരു :) അല്ലെങ്കില്‍ :( ഇട്ടാല്‍ മതി. ഒന്നും എഴുതണ്ട.  

ചെട്ട ഞാന്‍ പരാമര്‍ശിച്ചത് ഇവിടെയുള്ള് ബ്ലോഗന്‍ മാരെയാണു. കുഞ്ഞുണ്ണിമാഷിന്റെ കവിതകളുടെ നിലവാരത്തില്‍ എഴുതുന്ന അരെങ്കിലും ഇവിടെ ഉണ്ടെന്നു ഉമേഷിനു് തോന്നുന്നുണ്ടെങ്കില്‍ എനിക്ക് അതു വായിക്കണം. അടുത്ത Podcast നു വിഷയം അതാവട്ടെ.

ഇതു നല തമാശ. അപ്പോള്‍ നിങ്ങളൊക്കെ കരുതിയിരിക്കുന്നത് കുഞ്ഞുണ്ണിമാഷിന്റെ നിലവാരത്തില്‍ blogspotല്‍ നിന്നും അരൊക്കയോ ഉണ്ടെന്നാണു. വെണ്ട. അത്രക്കും കടന്നു ചിന്തിക്കാറായില്ല. തല മറന്നു ഒന്നും എടുത്തുവെച്ച് തേക്കണ്ട.

ജാട എന്ന് ഞാന്‍ പറഞ്ഞത്  തടിപ്പ് എന്നാണു. Daialectഉം
Deviatian ഉം Sub-species ഉം Dingoelappiയും ഒന്നുംഅല്ല. പച്ച മലയാആആആആളം. പഴയ മലയാളത്തില്‍ "ജാട" എന്ന ഒരു വാക്കാണു. ഉമേഷിനു് ഇത അറിഞ്ഞുകൂടെ? ("ജാഢ" അല്ല അണ്ണ "ജാട") ശബ്ദതാരവലി പോക്കി എടുത്തുവെച്ച് നോക്ക അണ്ണ.  

പഴയ കാര്യങ്ങളെ കുറിച്ച് ചര്‍ച്ച് ചെയ്യാന്‍ പാടില്ല അല്ലെ.? എനിക്കതറിയില്ലായിരുന്നു. കൊച്ചു ബാലനല്ലെ ഞാന്‍.

നിങ്ങളെല്ലാം ഏന്തൊക്കയോ ധരിച്ചുവെച്ചിരിക്കുന്നു. നേരത്തെ പറഞ്ഞപോലെ എനിക്ക് കാര്യം പറയാന്‍ ബന്ധങ്ങള്‍  പ്രശ്നമല്ല. വര്‍ഗ്ഗങ്ങളും labelഉകളും ഒന്നും വേണ്ട.

നിങ്ങള്‍ കരുതുന്ന കണക്കിനുള്ള വിവരം എനിക്ക് ഇല്ല. അതുകോണ്ടു നിങ്ങളുടെ അമേരിക്കന്‍ "ബുജ്ജി" സങ്കത്തിലുള്ള അരെയെങ്കിലും കുറ്റം പറഞ്ഞാല്‍ ഉടന്‍ ചാടി ആക്രമിക്കും.

പിന്നെ ഞാന്‍ വളരേ ബാലിശമായി ചിന്തിക്കുന്നവനാന്‍ തന്നെയാണു്. 37 വയസുള്ള ബാലന്‍. എന്റെ ഇടത്തെ ചെവിട്ടില്‍ അടിച്ചാല്‍ മാറി നിന്നു പ്രസങ്ങിക്കാറില്ല.  അരെന്നൊന്നും നോക്കില്ല. കുനിച്ച് നിറിത്തി പടക്കം പെട്ടിക്കും. പച്ചയായ മനുഷ്യനും ആണു. എല്ലവരേയും പോലെ എനിക്കും അബദ്ദങ്ങള്‍ പറ്റും. നല്ല കമന്റുകള്‍ എനിക്കിഷ്ടമാണു. മോശം കമന്റുകള്‍ സഹിക്കാനുള്ള ഭോധവും എനിക്കുണ്ട്.

കഴിഞ്ഞ മൂനു വര്‍ഷമായി ഞാന്‍ Flickr ല്‍ അങ്ങമാണു. അവിടത്തെ Deleteme group ഇല്‍ നിന്നും എനിക്ക് കിട്ടാറുള്ള് മോശം കമന്റുകള്‍ ഒന്നും തന്നെ വ്യക്തിപരമായതല്ല. മലയാളത്തില്‍ മാത്രം വിമര്‍ശനങ്ങള്‍ എന്തേ വ്യക്തിപരമായി മാറുന്നു? വ്യക്തി വികാരങ്ങള്‍ എന്തുകോണ്ടു സൃഷ്ടിയില്‍ ഒട്ടിപിടിച്ചിരിക്കുന്നു. ചിന്തിക്കു.

ഞാന്‍ പറയുന്നതിനെ കുറിച്ച് നിങ്ങള്‍ പരാമര്‍ശിക്കു. വിഷയം ചര്‍ച്ച ചെയ്യു. ഞാന്‍ എന്തിനു ഇതു പറഞ്ഞു എന്നു തോണ്ടി തോണ്ടി നഖം കളയല്ലെ.


അനംഗാരി:
ഞാനിവിടെയൊക്ക തന്ന കാണും. എങ്ങും പോവുല്ല.

ഈവുരാന്‍:
എല്ലാവരും യോജിക്കാന്‍ ഇതെന്ത pope നെ തിരഞ്ഞെടുക്കുകയാണോ?വിയോജിച്ചുകൊള്ളു. സന്തോഷം.

ദിവാസ്വപ്നം:
നലതുപോലെ കഥ എഴുതുന്ന ഒരാള്‍ ഒറ്റ വാക്കു കോണ്ട് കഥ സൃട്ടിക്കുന്നത് അല്പം തരംതാണ publcity stunt അയി തോന്നി.
ഞാന്‍ അശയം വ്യക്തമാക്കാന്‍ ഉദാഹരണങ്ങള്‍ എടുത്തു പറഞ്ഞു. അതിവിടയുള്ള മറ്റ്  അമേരിക്കന്‍ "ബുജ്ജി" കള്‍ക്ക് സഹിച്ചില്ല. അതുകൊണ്ട് എന്നോടുഉള്ള വ്യക്തി ഹത്യകള്‍ മാത്രം. സാരമില്ല.

മന്‍ജിത്‌:
ഒരു നല്ല പേര്‍ എന്റെ ബ്ലോഗിനില്ലാതിരികുകയായിരുന്നു. "പുച്ഛരസ പ്രകടനം". you are right. Thank you ഇനി ഞാന്‍ എന്റെ podcast നു. "പുച്ഛരസ പ്രകടനം" എന്ന് പേര്‍ നള്‍കാം.
എന്റ പോട്കാസ്റ്റ് അല്ലെ എനികിഷ്ടമുള്ള് പേര്‍ കോടുക്കാമല്ലോ. പുച്ഛരസ പ്രകടനം എന്ത കലാ രൂപമല്ലെ? വികലാങ്കരേയും. മാനസികരോഗികളേയും കളിയാക്കുന്ന സംസ്കാരമാണു മലയാളിയുടേത്. അത് TVയിലും Cinemaയിലും കണ്ടു കൈയടിക്കും. എന്നാല്‍ എനിക്ക് എന്താ pseudo-genius കളെ കളിയാക്കിയാല്‍?

ബൃഹത്തായ കൃതികള്‍ സൃട്ടിക്കുന്ന, അക്ഷരസംയുക്തമുള്ള നിങ്ങളെല്ലാവരും അക്ഷവര്‍ജ്ജിതനായ ഒരുത്തന്റെ ബ്ലോഗില്ല് വന്ന് അഭിപ്രായം എഴുതിയതിനു നന്ദി.

ചന്ദുവിനും, രമേശനും, ഷാനിനും എന്റെ വക ഭാവുകങ്ങള്‍

Podcast No 12

അധുനിക കലാസൃഷ്ടികളും, മിനിമലിസവും, പിന്നെ അതിന്റെ കുറേ "ആരാധകരും"

Radio Asia 94.7 FM ല്‍ പരിപാടി മാറ്റം.

powered by ODEO

കൊളാബൊറേറ്റിവ് സ്റ്റോറി chapter 1

powered by ODEO

Kaippally's Bodcast No 9

powered by ODEO


FM റേടിയോ "അവരതരതകരറെ" കുറിച്ചാണു്.

കെട്ടിട്ട് അതിപ്രായങ്ങള്‍ അറിയിക്കുക