കണ്ണൂർ വിമാനത്താവളത്തിന്റെ ഓഹരികൾ എങ്ങനെ വാങ്ങാം.

പ്രവാസികൾ ഉൾപ്പെടെയുള്ള മലയാളികൾ വളരെ താല്പര്യത്തോടുകൂടി കാത്തിരിക്കുന്ന നിക്ഷേപ പദ്ധതിയാണു് കണ്ണൂർ വിമാനത്താവളത്തിന്റെ ഓഹരികൾ വാങ്ങുക എന്നതു്. ഓഹരികൾക്കുള്ള അപേക്ഷകൾ സ്വീകരിക്കാനുള്ള തീയതി അവസാനിക്കാൻ ഇനി ദിവസങ്ങൾ മാത്രം ബാക്കിയുള്ളപ്പോൾ, അപേക്ഷ ഫോറങ്ങൾ എവിടെന്നിന്നും ലഭ്യമാകും എന്നു ഇപ്പോഴും ആർക്കും ഒരു പിടിയുമില്ല. നാട്ടിൽ പലരോടും ചോദിച്ചിട്ടും വ്യക്തമായ മറുപടികൾ കിട്ടുന്നില്ല.

ഇടതുപക്ഷ സർക്കാറിന്റെ അളിയന്മാർക്കും മച്ചമ്പിമാർക്കും ആശൃതർക്കും ഓഹരികൾ  വീതിച്ചു് കൊടുക്കാനുള്ള പരുവാടിയാണു് നടക്കുന്നതെന്നു് സംശയിക്കേണ്ടിയിരിക്കുന്നു.

ഈ കാര്യത്തിൽ ഇടതെന്നോ വലതെന്നോ പക്ഷം തിരിഞ്ഞ് നില്ക്കാതെ ആരെയും ആക്ഷേപിക്കാതെ CPI(M) സർക്കാറിന്റെ നിലപാടു് എന്താണെന്നു് സുഹൃത്തുക്കൾ ചർച്ച ചെയ്യും എന്നു വിനീതമായി അഭ്യർത്ഥിക്കുന്നു. കൂട്ടത്തിൽ ഓഹരികൾ എവിടെ വാങ്ങാൻ പറ്റും എന്നും പറഞ്ഞാൽ കൊള്ളാം.

ശശി തരൂറുമായി ഒരു കൂടിക്കാഴ്ച്ച.

ഇന്നലെ വൈകിട്ടി  ദുബൈ Marco Polo Hotelൽ  തിരുവനന്തപുരം പ്രവാസി സംഘടനയായ TEXAS (!) കേന്ദ്ര വിദേശകാര്യ വകുപ്പ് സഹ മന്ത്രി ശ്രീ ശശി തരൂറിനു് സ്വീകരണം നൾഗി. ക്ഷണിക്കപ്പെട്ട സദസിൽ ഭൂരിഭാഗം തിരുവനന്തപുരത്തുള്ളവരായിരുന്നു. ഔപചാരികമായ ചടങ്ങുകൾക്കൊടുവിൽ സദസിൽ ഉണ്ടായിരുന്ന മാദ്ധ്യമ പ്രവർത്തകർ നിരവധി ചോദ്യങ്ങൾ അദ്ദേഹത്തോടു് ചോദിക്കുകയുണ്ടായി.

ശശി തരൂർ തിരുവനന്തപുരത്തുനിന്നും തിരഞ്ഞെടുക്കപ്പെട്ട ഒരു ലോകസഭ അംഗമാണെന്നുള്ളതു് ശരിയാണു്. അദ്ദേഹത്തിന്റെ ഇപ്പോഴത്തെ portfolio വിദേശകാര്യ സഹ മന്ത്രി പതവിയാണെന്നുള്ളതു്  സദസിൽ ഇരുന്നവരിൽ പലരും മറന്നു എന്നു തോന്നുന്നു. കേന്ദ്രമന്ത്രിയും, സംസ്ഥാനമന്ത്രിയും തമ്മിൽ തിരിച്ചറിയാത്ത ദുബൈയിലെ മലയാളി മാദ്ധ്യമ പ്രവർത്തകരുടെ ബാലിശമായ ചോദ്യങ്ങൾക്ക് സരസമായി തന്നെ അദ്ദേഹം മറുപടിയും കൊടുത്തു.

ഇന്ത്യയുടെ വിദേശ നയത്തെ കുറിച്ചോ, ഇമറാത്തിലേക്ക്  ഇന്ത്യയിൽ നിന്നുമുള്ള കയറ്റുമതി കൂട്ടുന്നതിനെ കുറിച്ചോ,  തൊഴിൽ സാദ്ധ്യതകൾ കൂട്ടുന്നതിനെ കുറിച്ചോ ചോദ്യങ്ങൾ ഒന്നും ഉണ്ടായില്ല. എന്നാൽ പ്രവാസി പെൻഷൻ പ്രശ്നം മറക്കാതെ അവർ ഉന്നയിക്കുകയും ചെയ്തു.

കഴിഞ്ഞ വർഷം അദ്ദേഹത്തിന്റെ വാചകങ്ങളിൽ ആംഗലയ പദങ്ങളുടെ അതിപ്രസരം വളരേയധികമായിരുന്നു. ശശി തരൂറിന്റെ മലയാളം ഒരുപാടു മെച്ചപ്പെട്ടിട്ടുണ്ടു്.

"മാദ്ധ്യമ പ്രവർത്തകർ" ചോദിച്ച ചില ചോദ്യങ്ങൾ:

1) താങ്കൾക്ക് മുമ്പൊരിക്കൽ UAEയിൽ ജോലിയുണ്ടായിരുന്നില്ലെ. ആ സ്ഥാപനവുമായി ഇപ്പോൾ താങ്കൾക്ക് ബന്ധം ഉണ്ടോ?
ഉ: ഇല്ല. മുമ്പ് ഒരു സ്ഥാപനത്തിൽ ജോലി ഉണ്ടായിരുന്നു എന്നുള്ളതു ശരിയാണു്. ലോകസഭ തിരഞ്ഞെടുപ്പിനു മുമ്പ് ആ ജോലി രാജിവെക്കുകയും, 2008മുതൽ തിരുവനന്തപുരത്തെ സ്ഥിര താമസക്കാരനാണെന്നും അദ്ദേഹം പറഞ്ഞു.

2) വിഴിഞ്ഞം തുറമുഖം പദ്ധതിയേകുറിച്ചു് എന്താണു് കേന്ദ്ര സർക്കാർ ഒരു നടപടിയും എടുക്കാത്തതു്?
ഉ. സംസ്ഥാന സർക്കാർ ഈ വിഷയം കേന്ദ്ര സർക്കാറിന്റെ ശ്രദ്ധയിൽ പരിഗണനക്കായി രേഖമൂലം സമർപ്പിച്ചിട്ടില്ല എന്നും. അങ്ങനെ ശ്രദ്ധയിൽ പെടുത്തിയാൽ അദ്ദേഹം സ്വന്തം താല്പര്യത്തിൽ തന്നെ ഇതിനു വേണ്ടി സുപാർശ്ശ ചെയ്യും എന്നും പറഞ്ഞു. ഇപ്പോൾ ഈ പദ്ധതി കേരള സംസ്ഥാന സർക്കാറിന്റെ മാത്രം പ്രോജക്റ്റായിട്ടാണു് ഇരിക്കുന്നതു് എന്നു് അദ്ദേഹം പറയുകയുണ്ടായി.

3) തിരുവനന്തപുരത്തിന്റെ വികസനം.
ഉ. സംസ്ഥാന സർക്കാറിനോടു അനൌപചാരികമായി ഈ ആവശ്യങ്ങൾ അവതരിപ്പിക്കാം എന്നല്ലാതെ അധികം ഒന്നും ചെയ്യാനാകില്ല എന്നാണു എനിക്ക് മനസിലായതു്.

4) പിന്നെ സാധാരണ മന്ത്രിമാർ വരുമ്പോൾ വെറും ചടങ്ങുകളായി മാറിയ സ്ഥിരം ചോദ്യങ്ങളും ഉണ്ടായിരുന്നു. വിമാന കൂലി, പ്രവാസികൾക്കുള്ള വോട്ട് അവകാശം, പ്രവാസ പെൻഷൻ. തിരുവനന്തപുരം വിമാനത്തവളത്തിലേക്കുള്ള പൊട്ടക്കുളം പോലെ കിടക്കുന്ന റോഡ് നന്നാക്കുന്ന കാര്യം, അങ്ങനെ ചിലതു്.

5) അവസാനത്തെ ചോദ്യം എന്റേതായിരുന്നു. എനിക്ക് അനുവദിച്ച 30 second പാഴാക്കിയില്ല. അദ്ദേഹത്തിനു് മനസിലാകുന്ന ഭാഷയിൽ തന്നെ വെച്ചു കാച്ചി.

Sir, I am a follower of your tweets on twitter. I even saw you sent one while you were sitting there. It is really cool that we have a young charismatic Minister in parliament who tweets about the daily events. You have suerly set a trend. But sir you could also allow the vast majority of Indians to raise their concerns. Most indians do not even own a PC, so it would be ideal to impliment a system to receive SMS messages.   This will set a milestone in dialogue between leaders and the electorate.



ഉ: I do receive quite a lot of questions on-line  and I try to answer most of them. If such a system was implemented the volume of messages will be quite huge. However I am sure this is something I will look into. I am sure there can be some way to handle this.

ഇന്ത്യയിൽ ശശി തരൂർ പോലൊരു നേതാവു അപൂരവമാണു്. വെള്ളമുണ്ടുടുത്തു് കൈതൊഴുതു തീപ്പൊരി പ്രസംഗങ്ങൾ നടത്തുന്ന, കക്ഷി രാഷ്ട്രീയത്തിന്റെ പേരിൽ എതിർ കക്ഷിയെ ചെളിവാരി എറിയുന്ന തറ രാഷ്ട്രീയക്കാരിൽ നിന്നും ഉയർന്നു നിന്നു ചോദ്യങ്ങൾ വ്യക്തമായി കേട്ട ശേഷം സമാധാനമായി ഉത്തരങ്ങൾ പറയുന്ന ജനപ്രതിനിധി. അദ്ദേഹത്തിന്റെ പ്രസംഗത്തിൽ ശ്രദ്ദേയമായ ഒന്നു് എതിർ കക്ഷികളെ ആരെയും പരാമർശിച്ചില്ല എന്നുള്ളതാണു്.  ഈ മനുഷ്യന്റെ professionalism കണ്ടു  ഇഷ്ടപ്പെടാതിരിക്കാൻ എനിക്ക് കഴിയുന്നില്ല.

ശശി തരൂർ വളരെ അനൌപചാരികമായി തന്നെയാണു് ഈ കൂടിക്കാഴ്ചയിൽ പ്രസംഗിച്ചതും ജനങ്ങളുമായി ഇടപ്പെട്ടതും. അദ്ദേഹത്തിന്റെ ഒരു നല്ല ചിത്രം എടുക്കണം എന്നുണ്ടായിരുന്നു പക്ഷെ UAE protocol departmentന്റെ സുരക്ഷ സന്നാഹം വളരെ ശക്തമായതിനാൽ എങ്ങോട്ടു തിരിഞ്ഞാലും ഒരു തടിമാടന്റെ നെഞ്ചു മാത്രം പ്രത്യക്ഷപ്പെട്ടു.

Shashi Tharoor checks his Blackberry during the meeting

Shashi Tharoor at the Open Forum meeting in Dubai October 6 2009

Sahshi Tharoor's Twitter Page

Vote ചെയ്യാൻ പറയുന്ന മമ്മൂട്ടിയോടു്.

ശ്രീ മമ്മൂട്ടിയുടെ രണ്ടാമത്തെ postനു ഇട്ട comment ആണു് ഇതു്. അവിടെ ഇതു് കാണാൻ സാധിക്കില്ല.

------------------

ശ്രീ മമ്മൂട്ടി.
ഇടതു് മുന്നണിയുടെ നേതാക്കളെ നിർത്തുന്നതു് Politburo. അവിടെ ജനാധിപത്യം ഇല്ല.
Congress partyയുടെ സ്ഥാനാർത്ഥിയെ നിർത്തുന്നതു് high command. അവിടെയും ജനാധിപത്യം ഇല്ല. ഇവർ രണ്ടും അയോഗ്യരെ സ്ഥാനാർത്ഥിയായി നിർത്തിയാൽ, ഇന്ത്യൻ constitution പോയിട്ടു് പത്രം വായിക്കാൻ പോലും അക്ഷരാഭ്യാസമില്ലാത്ത 60% ഇന്ത്യൻ ജനത എന്തു് ചെയ്യും? Section 49-O of the Constitution എടുത്തുവെച്ചു പ്രയോഗിക്കാൻ അവർക്ക് അറിയില്ലല്ലെ?

ജനാധിപത്യവും voters rightsഉം മറ്റെല്ലാ സവിധാനങ്ങളും പ്രായോജനപ്പെടണമെങ്കിൽ ജനങ്ങൾക്ക് അക്ഷരാഭ്യാസം വേണം. എന്തുകൊണ്ടാണു് കേരളത്തിൽ മറ്റു സംസ്ഥാനങ്ങളെ അപേക്ഷിച്ചു് രാഷ്ട്രീയ ബോധം കൂടുതൽ ഉള്ളതു് എന്നു ചിന്തിച്ചിട്ടുണ്ടോ? ആന്ധ്ര പ്രാദേശിലും, ഉത്തർ പ്രദേശിലും ഏതെങ്കിലും ഒരു നേതാവിനെ പരിഹസിച്ചു എന്താ ആരും അവിടെ മിമിക്രി അവതരിപ്പിക്കാത്തതു്?

ജനങ്ങൾ സ്വതന്ത്രരാണെങ്കിൽ മാത്രമെ ജനാധിപത്യം നടപ്പിൽ വരു. ആദ്യം അജ്ഞതയിൽ നിന്നു് മോക്ഷം കിട്ടാതെ ജനം സ്വതന്ത്രര്‍ ആവില്ല. പക്ഷെ നാടു ഭരിക്കാൻ വിദ്യാഭ്യാസം ഒരു ഘടകമല്ല എന്നാണു് നമ്മുടെ ജനനായകന്മാർ ജനങ്ങളെ പഠിപ്പിച്ചു വെച്ചിരിക്കുന്നതു്.

യൂണിവേസിറ്റി വിദ്ധ്യാഭ്യാസമില്ലാത്ത ഒരുത്തനു് പെണ്ണു പോലും കൊടുക്കാത്തവരാണു് മലയാളികൾ പക്ഷെ മുഖ്യമന്ത്രിയെ തിരഞ്ഞെടുക്കുമ്പോൾ ആ കാര്യം എന്താ ആരും അന്വേഷിക്കാത്തതു്?

പറഞ്ഞു വന്നതു് ഇതാണു്. മമ്മൂട്ടി നാട്ടുകാരോടു വോട്ടു് ചെയ്യാൻ പറയുന്നതു് നല്ല കാര്യമാണു്. പക്ഷെ വിദ്യാഭ്യാസമുണ്ടെങ്കിൽ മാത്രമെ നേതാക്കൾ പറയുന്ന വിവരവും (വിവരക്കേടും) വായിച്ചും കേട്ടും മനസിലാക്കാൻ കഴിയൂ. അപ്പോൾ വിദ്യാഭ്യാസം ഉള്ള ജനതക്കു മാത്രമെ യോഗ്യതയുള്ള ജനനായകന്മാരെ തിരിച്ചറിയാൻ കഴിയൂ. താങ്കളുടെ പുതിയ പടം release കാണാൻ class cut ചെയുതു ഉച്ചക്കു തമ്പാനൂരിൽ നില്ക്കുന്ന പിള്ളേരോടു് schoolൽ പോകാൻ പറയൂ. സാർ പറഞ്ഞാൽ ചിലപ്പോൾ കേൾക്കും.

സ്നേഹപൂർവ്വം മമ്മൂട്ടിക്ക്

-------------
ഈ ലേഖനം ശ്രീ മമ്മൂട്ടിയുടെ ബ്ലോഗിൽ comment അയി എഴുതിയതാണു്. Moderation ഉള്ളതിനാൽ അതിവിടെ പ്രസിദ്ധീകരിക്കുന്നു.
-------------

ശ്രീ മമ്മൂട്ടി ബ്ലോഗ് തുടങ്ങിയതു് വളരെ നല്ല കാര്യമാണു്. പക്ഷെ ഒരു അപേക്ഷയുണ്ടു്. താങ്കളുടെ ആരാധകരുടെ അനുമോദനങ്ങളും പ്രശംസയും മാത്രം കൊണ്ടു ബ്ലോഗു് നിറച്ചിട്ട് കാര്യമില്ല. ബ്ലോഗിന്റെ സ്വഭാവമനിസരിച്ചു ചോദ്യങ്ങൾക്കു് മറുപടിയും എഴുതണം.

LDFന്റെ സ്ഥാനാർത്ഥിയായി താങ്കൾ കേരള രാഷ്ട്രീയത്തിലേക്ക് കടക്കാൻ ഉദ്ദേശിക്കുന്നു എന്ന വാർത്ത കണ്ടു.

ഇന്നുവരെ കേരളം കണ്ടിട്ടുള്ള രാഷ്ട്രീയ പ്രവർത്തകരിൽ നിന്നും വ്യത്യസ്തമായ ഒരു ഭാവി താങ്കൾക്കുണ്ടു. Obamaയുടെ election വിജയത്തിന്റെ പ്രധാന കാരണം അദ്ദേഹം internetലൂടെ യുവജനങ്ങളുമായി അടുക്കാൻ കഴിഞ്ഞു എന്നുള്ളതാണു്. താങ്കൾക്കും അതിനുള്ള കഴിവുണ്ടു് എന്നു് എനിക്കു് തോന്നുന്നു. ആ കഴിവു് താങ്കൾ ബ്ലോഗിലൂടെ തെളിയിക്കണം.

താങ്കൾ കേരള രാഷ്ട്രീയത്തിലേക്കു് കടന്നുവരുമ്പോൾ കേരളത്തിനെന്തു് ഗുണം എന്നു് ഞാനടക്കമുള്ള ചിലർ ചോദിച്ചേക്കാം. അതിനുള്ള മറുപടി കൂടി ബ്ലോഗിലൂടെ താങ്കൾ എഴുതണം.

നാടു ഭരിച്ച പൂർവികരുടെ പോരായ്മകളും കോട്ടങ്ങളും എണ്ണി പറഞ്ഞുകൊണ്ടാണു് ഇന്നുവരെ കേരളത്തിൽ എല്ലാ രാഷ്ട്രീയ പാർട്ടികളും കടന്നു വന്നതു്. പക്ഷെ അതിൽ നിന്നും വ്യത്യസ്തമായി തന്നെ ഭാവിയിൽ പ്രായോഗികമായി എന്തെല്ലാം മാറ്റങ്ങൾ വരുത്താൻ കഴിയും എന്നതിനെ കുറിച്ചും സാമ്പത്തിക ഭദ്രത എങ്ങനെ ഉറപ്പുവരുത്താം എന്നും. കാർഷിക മേഖല എങ്ങനെ മെച്ചപ്പെടുത്താം എന്നതിനെ കുറിച്ചും ഇവിടെ എഴുതണം.

കഴിഞ്ഞ മന്ത്രിസഭ ഭരിച്ചു് ഭരിച്ചു് ഒരു വഴിക്കാക്കിയ പല വികസന പദ്ധതികളും അലംങ്കോലപ്പെട്ടു കിടക്കുന്ന കാര്യം ശ്രീ മമ്മൂട്ടിക്ക് അറിയമായിരിക്കും.

എങ്കിലും ഒരു ചെറിയ clue തരാം.

വിഴിഞ്ഞം തുറമുഖം: ചില വൻകിട real-estate കച്ചവടക്കാർ കാശുണ്ടാക്കിയതല്ലാതെ പദ്ധതി എങ്ങും ചെന്നെത്താതെ കിടക്കുന്നു.

വള്ളാർപ്പാടം Container Terminal: നാടിന്റെ നന്മയേക്കാൾ ചുരുക്കം ചില വ്യക്തികളുടെ താല്പര്യങ്ങൾ മാത്രം പരിഗണിച്ചു് ഇപ്പോഴും എങ്ങും ചെന്നെത്താതെ കിടക്കുന്നു.

സ്മാർട്ട് സിറ്റി: മൂന്നു കൊല്ലം മുമ്പു് പദ്ധതി ഒപ്പുവെച്ചിട്ടും ഇന്നുവരെ എങ്ങും കൊണ്ടെത്തിച്ചിട്ടില്ല.

ടെക്നോ സിറ്റി: കേരളത്തിന്റെ തൊഴിലാളി പ്രസ്ഥാനങ്ങളുടെ കലാപരിപാടികൾ കണ്ടു നിക്ഷേപകർ ഭയന്നു പിന്മാറി നില്കുന്നു.

തലസ്ഥാന നഗരമായ തിരുവനതപുരത്തു് നടപ്പിലാക്കാം എന്നു ഉറപ്പു പറഞ്ഞിട്ടും ഇതുവരെ ഒന്നും പൂർത്തിയക്കാതെ പല projectകളും പാതി വഴി നിർത്തി വെച്ചിരിക്കുന്നു. Airportന്റെ expansion projectന്റെ കഥ ഒരു mega-serial പോലെ നീണ്ടു നീണ്ടു പോകും.

ഇത്രയും പറഞ്ഞതിന്റെ കാരണം:
സാമ്പതിക തകർച്ച എല്ലാം ചർച്ച ചെയ്യാൻ എളുപ്പമാണു്. കാരണം കേരളത്തിലുള്ള ആരെയും പേരെടുത്തു് പരാമർശിക്കണ്ടല്ലോ. ഇനി അല്പ നേരം കേരളത്തിലെ ഭാവിയെ കുറിച്ചു് എഴുതു. ശ്രീ മമ്മൂട്ടിക്ക് എഴുതാൻ കേരളത്തിൽ തന്നെ വിഷയങ്ങൾ ഒരുപാടുണ്ടു്. ധൈര്യമായിട്ടു് തന്നെ ഇവിടെ എഴുതു.

ഇതും വായിക്കുക

"സ്നേഹപൂർവ്വം മമ്മൂട്ടി" എന്ന ബ്ലോഗിനു് സ്നേഹപൂരവ്വം

2009 ജനുവരി ഒന്നാം തിയതി മലയാളം ബ്ലോഗ് ലോകത്തേക്കു് "സ്നേഹപൂർവ്വം മമ്മൂട്ടി" എന്ന പേരിൽ ഒരു പുതിയ ബ്ലോഗ് കടന്നു വന്നു. മമ്മൂട്ടി സ്വന്തമായി ബ്ലോഗിൽ എഴുതുകയാണോ അല്ലയോ എന്നതു് ഇവിടെ പ്രസക്തമല്ല. ആഗോള സാമ്പത്തിക തകർച്ച എങ്ങനെ തരണം ചെയ്യാം എന്നുള്ള ബ്ലോഗിലെ ആദ്യത്തെ പോസ്റ്റും ഇവിടെ വിഷയമല്ല. മമ്മൂട്ടിയെ പോലൊരു വ്യക്തി ബ്ലോഗിൽ വരുന്നതു് എന്തുകൊണ്ടും മലയാളം ബ്ലോഗിനും മലയാളം unicode പ്രചരണത്തിനു് വളരെ സഹായകരമായ ഒരു കാര്യം തന്നെയാണു് എന്നു ചൂണ്ടിക്കാണിക്കാനാണു് ഞാൻ ഈ പോസ്റ്റ് എഴുതുന്നതു.

ഈ ബ്ലോഗിൽ comment എഴുതാനായി രണ്ടു ദിവസത്തിനകം ഏകദേശം 92 പേരു് പുതിയ blogger IDകൾ ഉണ്ടാക്കി എന്നതാണു് വിഷയം. (ചിലരുടെ profile ദൃശ്യമല്ലാത്തതിനാൽ അവരേക്കുറിച്ച് അറിയില്ല) ഇതു വായിക്കാനായി നിരവധി net-cafeയിലും, കുറേ പേരുടെ computerകളിലുമായി മലയാളം unicode fontഉകൾ install ചെയ്യപ്പെട്ടിരിക്കും. മലയാള ഭാഷ computingനു് ഈ ബ്ലോഗ് വിലമതിക്കാനാവാത്ത ഒരു പ്രോത്സാഹനം തന്നെയാണു്.

ഇന്നുവരെ ഒരു അക്കാദമിക്കും ചെയ്യാൻ കഴിയാത്ത പ്രചരണമാണു ഇപ്പോൾ മലയാളം ബ്ലോഗിനു് കിട്ടിയിരിക്കുന്നതു്. ഭാവിയിൽ സിനിമാ താരങ്ങളുടേയും, രാഷ്ട്രീയക്കാരുടേയും പേരിൽ ഇതുപോലെ ബ്ലോഗുകൾ ഉണ്ടാകട്ടെ എന്നു് ആശംസിക്കുന്നു.

"സ്നേഹപൂർവ്വം മമ്മൂട്ടി" എന്ന ബ്ലോഗിനു് എന്റെ വക ഒരു Thank you

വള്ളിമണി

കണ്ടിട്ടുണ്ടോ സാക്ഷര കേരളം
കണ്ടോ കേരളം മുന്നോട്ടു്.
വർക്കല ഒരു നാൾ പോയപ്പോൾ
സർക്കാരിന്റൊരു ശകടം കണ്ടു
കറുത്തു് നാറിയ കയർ ഈയറ്റം
മങ്ങി പഴകിയ മണി അങ്ങറ്റം.
കണ്ടക്ടർ അതിൽ ആഞ്ഞു വലിച്ചു
അടികൊണ്ടുടൻ ആ മണി വിളിച്ചു
"അയ്യോ പൊത്തോ! ക്ണിം! ക്ണിം!"
വയസൻ ശകടം ഒന്നു ചുമച്ചു
പിന്നെ പുക പാറിച്ചതു് നീങ്ങി
പത്തു് കാക്കൊരു വൈദ്യുതി മണിയും
പത്തടി നീളം പിച്ചള വയറും
ഒത്തുചേരക്കാനറിയില്ല ഈ നാട്ടിനു്
എത്രനാളിനി ഈ നാറിയ കയറിൽ
സാക്ഷര കേരളം മണിമുഴക്കും?

ആഗോള തിരിച്ചറിവു്

ലോകം ഒരു പുതിയ തിരിച്ചറിവിന്റെ വക്കിലെത്തി നില്കുകയാണു് എന്നു് നമുക്കെല്ലാം അറിയാമല്ലോ. ആഗോള സാമ്പത്തിക തകർച്ചയുടെ post mortem നടത്താനുള്ള വിവരവും, മനസമാധാനവും എനിക്കില്ല. വ്യർത്ഥമായ വിലാപങ്ങൾക്കായി വിലപ്പെട്ട ഈ സമയം പാഴാക്കാതെ ചിന്തിക്കാനുള്ള സമയമാണിതു്.

കേരള സർക്കാരിന്റെ സാമ്പത്തിക നില ഗുരുതരമാണു്. ഒരു കാലത്തും സ്വയം പര്യാപ്തമായ വിധത്തിൽ ഒരു വികസന പത്ഥധിപോലും ശാശ്വതമായ വിധത്തിൽ പൂർത്തിയാക്കി കണ്ടിട്ടില്ല. കേരളത്തിന്റെ ഏറ്റവും വലിയ സ്വത്ത് കേരളത്തിലെ അഭ്യസ്തവിദ്ദ്യരായ ജനത തന്നെയാണു്. ഇവർ നാട്ടിലേക്ക് നിക്ഷേപിക്കുന്ന വിദേശ നാണ്യത്തിന്റെ ബലത്തിൽ കേരളം തട്ടിയും മുട്ടിയും ഇതുവരെ മുന്നോട്ട് പോവുകയായിരുന്നു. പക്ഷെ ഇപ്പോഴ് കേരളം ഒരു രൂക്ഷമായ പ്രശ്നം നേരിടുകയാണു്.

അടുത്ത ഒരു വർഷത്തിനുള്ളിൽ അഭ്യസ്തവിദ്യരായ മലയാളികൾ കേരളത്തിലേക്ക് ലക്ഷക്കണക്കിനു തിരിച്ചു വരാൻ ഇടയുണ്ട്. ഇവർ എല്ലാം ഒരുമിച്ച് നാട്ടിൽ വന്നാൽ കേരളം ഇവരെ എന്തു് ചെയ്യും?. Canadaയിലും Americaയിലും ഉള്ളവരുടെ പട്ടിക്കും പൂച്ചക്കും നാട്ടിലിരുന്നു് insurance വില്കുന്ന പാവം call-center തൊഴിലാളികൾ എന്തു ചെയ്യും? ഇവർക്കാണെങ്കിൽ വേറെ തൊഴിൽ ഒന്നും അറിഞ്ഞുംകൂട. കഴിത്തുൽ കെട്ടിയ Tag ഇനി ഊരി കാലിൽ താപ്പ് കെട്ടി തെങ്ങു കയറാൻ പഠിപ്പിക്കാം എന്നു വെച്ചാൽ അതും നടക്കില്ല. കഴക്കൂട്ടത്തിലുള്ള തെങ്ങും തോപ്പെല്ലാം ചെമ്മണ്ണിട്ടു് നികത്തി Technoparkൽ ജോലി ചെയ്യുന്നവർക്കായി Multi-Storey Residential Complexഉകൾ കെട്ടുകയാണു്. വല്ലാത്തൊരു പുലിവാലു തന്നെ.

സ്തിധി മഹാ മോശമാണു് കൂട്ടുകാരെ. കേരളം core industriesലേക്ക് തിരിച്ചു വരാനുള്ള സമയമായി. കൃഷിയിയും, വ്യവസായവും, നിർമാണവും തന്നെയാണു് നമ്മുടെ ഭാവി സുരക്ഷിതമാക്കാൻ പോകുന്നതു്. IT യും മറ്റു High-end technology മേഖലകൾ എല്ലാം തന്നെ വിദേശ രാജ്യങ്ങളിലെ വിപണന സാധ്യത ആശ്രയിച്ചുള്ളതാണു്. കേരളത്തിൽ ഭക്ഷ്യസാധനങ്ങളുടെ ഉല്പാതന ശേഷി വർധിപ്പിക്കാനും മെച്ചപ്പെടുത്താനുമുള്ള ശ്രമങ്ങൾ കൂടുതൽ ഊർജ്ജപ്പെടുത്തണം. പുറത്തേക്കു് നോക്കിയുള്ള തന്ത്രപരമായ വിദ്ധ്യാഭ്യാസ രീതികൾ ഉഴിവാക്കി വിദ്ധ്യാർത്തികളിൽ pure scienceൽ താല്പര്യം ഉണ്ടാക്കണം. ഭാരതത്തിൽ നിന്നുകൊണ്ടു തന്നെ നല്ല രീതിയിൽ ജീവിക്കാൻ കഴിയും എന്നൊരു മനോഭാവം ഒണ്ടാകണം.

പ്രതിരോധത്തിനായി ഇന്ത്യ ചിലവാക്കുന്ന തുക മറ്റു രാജ്യങ്ങളെ കാൾ കുറവാണെങ്കിൽ കൂടി, അയൽ രാജ്യങ്ങളുമായി, (അവർ എത്ര മോശക്കാരാണെങ്കിലും) ഇന്ത്യ തന്ത്രപരമായ സഹകരണ നിലപാടു് സ്വീകരിക്കണം. ഈ വിധത്തിൽ നമുക്ക് അനാവശ്യ ചിലവു അല്പം കുറഞ്ഞിരിക്കും.

മതം സ്വകാര്യ മേഖലയിൽ നല്ല ലാഭം ഉണ്ടാക്കുന്ന ഒരു മേഖലയാണെന്നു കരുതി മതപരമായ കാര്യങ്ങൾക്ക് സർക്കാർ ചിലവാക്കുന്ന തുക വിദ്ധ്യാഭ്യാസത്തിനായി ചിലവക്കാൻ ജനങ്ങൾ ആഹ്വാനം ചെയ്യണം.

1960-കളിൽ അമേരിക്കയിൽ സംഭവിച്ച സാമൂഹിക മാറ്റത്തിന്റെ വിപ്ലവഗാനമായി മാറിയ, ബോബ് ഡിലൺ എഴുതിയ ഈ ഗാനം ഞാൻ ഇപ്പോൾ സ്മരിക്കുന്നു.

The Times They Are A-Changin'
Come gather 'round people
Wherever you roam
And admit that the waters
Around you have grown
And accept it that soon
You'll be drenched to the bone.
If your time to you
Is worth savin'
Then you better start swimmin'
Or you'll sink like a stone
For the times they are a-changin'.

ബാക്കി ഇവിടെ

സാക്ഷരകേരളം മുന്നോട്ടോ പിന്നോട്ടോ?

ഒരേ ദിവസം കേരള കൌമുദിയുടെ "ഫ്ലാഷ്" സാഹ്യാന്ന പത്ത്രത്തിൽ വന്ന classified പരസ്യങ്ങൾ.
ഒന്നിൽ registration no. വരെ കൊടിത്തിട്ടുണ്ടു്. അപ്പോൾ ഈ "സേവനങ്ങൾ" നടത്തുന്ന സ്ഥാപനങ്ങളെ നിയന്ത്രിക്കുന്ന ഒരു അധികാര സ്ഥപനം കൂടിയുണ്ടെന്നാണു് മനസിലാക്കേണ്ടതു്. ഇതുപോലുള്ള ഏർപ്പാടുകൾ അന്വേഷിച്ചു് തട്ടിപ്പുകൾ വെളിപ്പെടുത്താൻ കേരളത്തിലുള്ള യുക്തിവാദ സംഘടനകൾ എന്തുകൊണ്ടു മുന്നോട്ട് വരുന്നില്ല. എന്തുകൊണ്ടു ഇതുപോലുള്ള പരസ്യമായ തട്ടിപ്പുകൾ ചോദ്യം ചെയ്യപ്പെടുന്നില്ല?

കൈരളി TVയിലെ മണ്ടന്‍ കുണാപ്പികള്‍ക്ക്

Jornalists എന്നുമ്പറഞ്ഞ് കൈരളി TVയില്‍ ചില മണ്ടന്‍ കുണാപ്പികള്‍ ജോലി ചെയ്യുന്നുണ്ട്. ഇന്നലെ വാര്‍ത്തയില്‍ ഈ clip കാണുകയുണ്ടായി.

അദ്യം ഇത് കാണുക.



(youtube ന്റെ timerല്‍ 1:28 ശ്രദ്ദിക്കുക)
അതില്‍ ഇത് യഥാര്‍ത്ഥ ഭൂതമാണെന്ന രീതിയിലാണു ഈ വാര്‍ത്ത അവതരിപ്പിച്ചത്.

ഇനി ഇതും കാണുക.




ഇത് എങ്ങനെ നിര്‍മ്മിച്ചു എന്ന് ഇവിടെ പറയുന്നു. (ചൈനീസ് ഭാഷയാണെങ്കിലും കാണ്ടാല്‍ മനസിലാക്കും.)


CGI (Computer generated Imagery)ഉപയോഗിച്ച് നിര്‍മ്മിച്ച ഒരു തരികിടയാണ് ഇത്.

ഇത് ഒരു വാര്‍ത്തയാക്കി കൊടുക്കുന്ന മല്ലു journalistന്റെ Journalistic senseനെയാണു് ഞാന്‍ ചോദ്യം ചെയ്യുന്നത്. ഒരല്പം സാമാന്യ ബുദ്ധി ഉപയോഗിച്ച് search ചെയ്താല്‍ ഇതിന്റെ സത്യാവസ്ഥ മനസിലാക്കാവുന്നതേയുള്ളു. കുറഞ്ഞപക്ഷം ഇത് computerല്‍ നിര്‍മ്മിച്ചതായിരിക്കും എന്നൊരു സൂചനയെങ്കിലും കൊടുക്കാമായിരുന്നു.

അക്ഷരം വായിക്കാനറിയാത്ത 400,000,000 ജനം ജീവിക്കുന്ന നമ്മുടെ നാട്ടില്‍ ജ്യോതിഷവും, ഭക്തി പ്രഹസനങ്ങളും ദൃശ്യമാദ്ധ്യമത്തിലൂടെ പ്രചരിപ്പിക്കുന്നതിനിടയില്‍ ഇമ്മാതിരി അന്ധവിശ്വാസം പ്രചരിപ്പിക്കുന്നത് ദേശദ്രോഹമാണു്.

കൈരളി ഒരു ഇടതുപക്ഷ ചനലാണെന്നാണു് വെപ്പ്. കമ്മ്യൂണിസ്റ്റുകാര്‍ ഭൂതത്തിലും വിശ്വസിച്ച് തുടങ്ങിയോ?

കേരളത്തില്‍ ഇല്ലാത്ത Safety Awareness

"ഇന്ന് രാവിലെ കണ്ട് ഒരു വാര്ത്ത.
മണ്ണിടിഞ്ഞുവീണു് തൊഴിലാളി മരിച്ചു."

ഇതുപോലുള്ള അപകടങ്ങള്‍ കേരളത്തില്‍ സാധാരണ കാഴ്ചയാണെന്ന് തോന്നുന്നു. നടന്ന സംഭവത്തെ കുറിച്ച് വിവരിച്ചിട്ടുണ്ട്. പക്ഷെ ഏതെല്ലാം നിയമങ്ങള്‍ തെറ്റിച്ചതിന്റെ ഫലമാണു് ഈ അപകടം സംഭവിച്ചത് എന്ന് എഴുതിയിട്ടില്ല. ഓഹ് സോറി.. അങ്ങനെ Worker Safety നിയമങ്ങള്‍ കേരളത്തില്‍ ഇല്ലല്ലോ!

കേരളത്തിലെ നഗരങ്ങളില്‍ construction safety വളരെ പരിതാപകരമാണു് എന്നതിനു് ഒരു നല്ല ഉദാഹരണം കൂടിയാണു്. ഈ അപകടം നടന്നിട്ടും ഈ ലേഖനത്തില്‍ സുരക്ഷ പ്രതിവിധികള്‍ ഉണ്ടായിരുന്നില്ല എന്നതിനെ കുറിച്ച് ഒരു ചോദ്യം കണ്ടില്ല. നടന്ന് സംഭവം വെണ്ടക്കാ അക്ഷരത്തില്‍ എഴുതി കാണിക്കാന്‍ അല്ലാതെ ഇതുപോലെ ഇനി ഉണ്ടാവാതിരിക്കാന്‍ എന്താണു് ചെയ്യേണ്ടത് എന്ന് ഒരു സൂചന പോലും നല്കാന്‍ പത്രപ്രവര്ത്തകനു് സാധിച്ചിട്ടില്ല. സാധിക്കുകയുമില്ല.

Reactionary administration, reactionary journalism, reactionary culture.
മുന്‍കരുതലുകള്‍ എടുക്കുന്ന കാര്യത്തില്‍ കേരളം വളരെ പിന്നിലാണു് എന്ന് തോന്നുന്നു.

Safety awareness എന്ന ഒരു സംഭവം തന്നെയില്ല. മഴയത്ത് കുടപിടിച്ച് bike ഓടിക്കുന്നത് ഒരു സാധാരണ കാഴ്ചയാണു്. ഇവനൊക്കെ തലകുത്തന്നെ വല്ല കുഴിയിലും വീണാല്‍ കുറ്റം എല്ലാം റെഡിനും.

അമേരിക്കന്‍ മലയാളി (?)

അമേരിക്കന്‍ തിരഞ്ഞെടുപ്പ് തകര്‍ത്ത് നടക്കുന്നുണ്ടല്ലോ. അമേരിക്കന്‍ തിരഞ്ഞെടുപ്പ് അമേരിക്കകാരുടെ വിഷയമല്ലെ. ശരിയാണു്. അമേരിക്കകാരുടെ സ്വന്തം വിഷയം തന്നെ.

എനിക്ക് ചില ചോദ്യങ്ങള്‍ അപ്പോഴും മനസ്സില്‍ ബാക്കി.

വിദേശ പൌരത്വം സ്വീകരിച്ച മലയാളികള്‍ മലയളത്തില്‍ ബ്ലോഗ് എഴുതുന്നുണ്ടോ?

ഉണ്ടെങ്കില്‍ അവരില്‍ നിന്നും അവരുടെ അനുഭവങ്ങള്‍ (നാട്ടില്‍ 2nd Show കഴിഞ്ഞ വയല്‍ വരമ്പത്തുള്ള കരിക്ക് മോഷ്ടിച്ചതും, "മൂവാണ്ടന്‍ മാവിന്റെ മാങ്ങ തൊലിച്ചതും" അല്ല !) പുതുമയേറിയ അനുഭവങ്ങള്‍ കേള്‍ക്കാന്‍ നമുക്ക് താല്പര്യമില്ലെ?

അമേരിക്കയിലും ഇല്ലെ അമേരിക്കന്‍ പൌരത്വം സ്വീകരിച്ച മലയാളികള്‍? കാണും അല്ലെ? ഒന്നോ രണ്ടോ ബ്ലോഗുകള്‍ ഒഴികെ ഈ വിഷയം മറ്റെങ്ങും ചര്‍ച്ച ചെയ്ത് കണ്ടില്ല. അവര്‍ അവരുടെ രാഷ്ട്രീയ നിലപാടുകള്‍ കേരളത്തിലെ ജനങ്ങളുമായി പങ്കുവെച്ചിരുന്നു എങ്കില്‍ എത്ര നന്നായിരുന്നു എന്ന് ഞാന്‍ പലപ്പോഴും ചിന്തിച്ചിട്ടുണ്ട്. അമേരിക്കന്‍ രാഷ്ട്രീയത്തില്‍ മലയാളികള്‍ സജ്ജീവമായി പ്രവര്‍ത്തിക്കുന്നില്ലെ? ഉണ്ടെന്നാണു് ഞാനറിഞ്ഞത്. പക്ഷെ അതുമായി ബന്ധപ്പെട്ട വിവരങ്ങള്‍ ഒന്നും മലയാളത്തില്‍ ബ്ലോഗില്‍ എഴുതുന്നില്ലായിരിക്കും.
ദൈനംദിന കാര്യങ്ങള്‍ കൈകാര്യം ചെയ്യാന്‍ മലയാളം അനുയോജ്യമല്ല എന്നൊരു ധാരണ ഉണ്ടായിരിക്കാം. പള്ളിപ്പാട്ടും, ബൈബിളും മാത്രം വായിക്കാനുള്ള ഭാഷ ആയിരിക്കാം. മലയാളം വളരെ അപര്യാപ്തമായ ഭാഷയാണു് എന്നൊരു ധാരണ ഉണ്ടായിരിക്കാം.
എന്നാല്‍ "ചന്ദ്രനില്‍ പോലും മലബാറി ചായ വില്കുന്നുണ്ടല്ലോ" എന്ന പ്രപഞ്ച സത്യം ഞാന്‍ ഓര്‍ത്തു. പക്ഷെ മലബാറി ചന്ദ്രനില്‍ പോയാല്‍ അവന്‍ അവിടുത്തെ മണ്ണില്‍ അലിഞ്ഞുപോകും. മലയാളം ഓര്‍മ്മകളുടെ ഭാഗം മാത്രമായി തീരും. A vestige of nostalgia. A language of memoirs on the verge of extinction.

300 പോസ്റ്റും ഞാനും പിന്നെ ഈ ബൂലോഗവും

ഞാന്‍ എഴുതിയ പഴയ സാദനങ്ങള്‍ തപ്പിയപ്പോഴാണു ഒരു കാര്യം മനസിലായത്. ഇന്ന് നാലു വര്ഷവും ഒരു മാസവും തികയുന്നു.
2004ലാണു ആദ്യമായി മലയാളം blogല്‍ എഴുതാന്‍ തുടങ്ങിയത്. അതിന്‍ മുമ്പ് എഴുതിയിരുന്ന് Film Reviewsഉം, Design Tutorialsഉം ഒക്കെയായിരുന്നു. ഈ ബ്ലൊഗ് തുടങ്ങിയ കുറച്ചു നാളുകള്‍ കുള്ളില്‍ തന്നെ എന്‍റെ Flickr Photo ഗാലറിയും തുടങ്ങി. പല സുഹൃത്തുക്കള്‍ക്കും Flickr കാണാന്‍ കഴിയാത്തതിനാല്‍. "പോട്ടം" എന്ന എന്‍റെ foto blogഉം തുടങ്ങി.
ഇന്ന് ഇവിടെ മുന്നുറില്‍ അധികം postകളും, Flickrല്‍ 500 അധികം ചിത്രങ്ങളും ഉണ്ട്.

അന്നും ഇന്നും തമ്മില്‍ ബ്ലോഗിന്‍റെ നിലവാരത്തില്‍ വലിയ മാറ്റങ്ങള്‍ ഒന്നും കാണുന്നില്ല. പലരുടേയും ഭാഷ നന്നായി എന്നല്ലാതെ.

എന്‍റെ ഭാഷ നന്നായതാണോ അതോ ഭയന്നിട്ടാണോ എന്നറിയില്ല ഇപ്പോള്‍ ആരും എന്‍റെ അക്ഷര തെറ്റുകള്‍ ചൂണ്ടിക്കാണിക്കാറില്ല. ചൂണ്ടിക്കാണിച്ചിട്ടും കാര്യമില്ല എന്ന് ചിലര്‍ക്കെങ്കിലും മനസിലയിട്ടുണ്ടല്ലോ. എന്തായാലും ബ്ലോഗില്‍ വന്നതിനു ശേഷം എന്‍റെ മലയാളമെഴുത്ത് കുറച്ചെങ്കിലും നന്നായി എന്ന് എനിക്കു തന്നെ തോന്നിതുടങ്ങി. പലരുടേയും സഹായം ഇതിന്‍ പിന്നിലുണ്ട്. എല്ലാവരേയും ഞാന്‍ സ്മരിക്കുന്നു.

ലോക പ്രശസ്ഥനായ ചിത്രകാരനായ എം.സീ. ഏഷറിന്‍റെ ഒരു ചിത്രമുണ്ട്. ചിത്രം വരക്കുന്ന കൈകളുടെ ചിത്രം. Recursive ചിത്രങ്ങള്‍ എന്നു പറയും. കുറച്ചുകൂടി വ്യക്തമാക്കിയാല്‍ Drost effect എന്നു പറയും.

മലയാളം ബ്ലോഗ് ഒരു Recursive phaseലേക്ക് നിങ്ങുകയാണു. Blogging about blogs. ബ്ലോഗുകളെ കുറിച്ചുള്ള ബ്ലോഗുകള്‍. ഇത് നമുക്ക് മാത്രം ego boost തരുന്ന ഒരു പ്രക്രിയയാണു. ബ്ലോഗ് എഴുതാത്ത് ഒര്‍ വ്യക്തിക്ക് ഇത് വായിച്ചാല്‍ രസിക്കില്ല. ബ്ലോഗിന്‍ ബ്ലോഗിന്‍റെ പരിധികള്‍ കവിഞ്ഞ് വിഷയങ്ങള്‍ അവതരിപ്പിക്കാന്‍ കഴിയണം.

ഈ പ്രശ്നത്തിന്‍റെ പ്രധാന കാരണം മലയാളം ബ്ലോഗ് എഴുത്തുകാര്‍ തന്നെ മലയാളം ബ്ലോഗ് വായിക്കുന്നു എന്നുള്ളതാണു്. പലവെട്ടം അറിയാതെ ഞാനും ഇത് ചെയ്തിട്ടുണ്ട്. The malayalam blog has reached a state of normality. It is so normal that change is abhored. ഇതു സംഭവിച്ചുകൂട.

ഇവിടെ പലരും പറയാറുണ്ടല്ലോ. "വെറുതെ ഒരു രസത്തിനു എഴുതുന്നു, വല്ലതും വായിക്കുന്നു". ഈ കൂട്ടത്തില്‍ പെട്ടവരെ ഞാന്‍ ഉപദേശിക്കില്ല. കാരണം വെറുതെ രസത്തിനു ചെയുന്നതിനു് ഇതൊന്നും നോക്കണ്ട. രസം (entertainment) എല്ലാവര്‍ക്കും ഒരുപോലെ ആവില്ല എന്നും നാം മനസിലാക്കണം. ഭൂരിപക്ഷം എഴുത്തും സ്കൂളില്‍ പഠിച്ച കാലത്തുള്ള ഓര്മ കുറിപ്പുകളും, മലയാളിയുടെ പ്രിയപ്പെട്ട വൃക്ഷമായ "മാവില്‍"ഏറും ആയി ഒതുങ്ങുമ്പോഴാണു പ്രശ്നം ഉണ്ടാകുന്നത്.

ഇതില്‍ നിന്നും നാം എന്തു് മനസിലാക്കണം. മിക്ക മലയാളികളുടെ നല്ല കാലം സ്കൂളിലും കോളേജിലും ആയിരുന്നു എന്നു. പ്രിയപ്പെട്ട വൃക്ഷം മാവാണെന്നും ആണോ?

നാം ഭക്ഷണമായി കഴിക്കുന്ന വസ്തുക്കള്‍ ശ്രദ്ധിച്ചു് കഴിക്കുന്നതുപോലെ, തലച്ചോറില്‍ സൂക്ഷിക്കുന്ന വസ്തുക്കളും ശ്രദ്ധിക്കണം എന്ന് മനസിലാക്കിയവനാണു് ഞാന്‍.

ഒരു സുഹൃത്ത് എന്നോടു ഈ ഇടെ പറയുകയുണ്ടായി. "മലയാളിയുടെ മനോ നിലവാരത്തിന്‍റെ തനി പകര്‍പ്പാണു മലയാളം ബ്ലോഗ്" . ഇത് സത്യമാണോ?

Where is our intelligentsia?

Where is our intelligentsia?
ഇഞ്ജിയുടെ ഈ പോസ്റ്റും കമന്‍റ്റുകളും വായിച്ച ശേഷം ഒരു കാര്യം വ്യക്തമായി. നാട്ടില്‍ ലൈങ്കിക പ്രശ്നങ്ങള്‍ ഉള്ള മാനസീക രോഗികള്‍ വളരെ അധികം കൂടി വരുന്നുണ്ട്. ശ്രേഷ്ടമായ പ്രകൃതിയുടെ ഈ സുന്ദര മുഹൂര്ത്തതെ ചൊല്ലി മലയാളികള്‍ നിരന്ദരം സംവാദം നടത്താറുണ്ട്. അതില്‍ വിവരമുള്ളവരും വിവരം തീരെ ഇല്ലാത്തവരും പെടും. പക്ഷെ ഇതേകുറിച്ച് എന്തെ ആരും കാര്യമായി ഒരു പഠനം നടത്താത്തത്. അതിനും കാരണമുണ്ട്. പഠനങ്ങള്‍ നടത്തി അധികൃതരെ ഉപദേശിക്കാന്‍ പോലും പ്രാപ്തിയുള്ള പണ്ഡിത വര്‍ഗ്ഗം ഇല്ലാത്ത ഒരു ഗതികെട്ട ദേശമാണു് നമ്മുടേത്. ഗവേഷണങ്ങള്‍ സര്‍ക്കാര്‍ grant കിട്ടാനുള്ള തട്ടിപ്പ് മാത്രമായിപ്പോയി. നാടിന്‍റെ intelligentsia ആയി തിളങ്ങേണ്ടവര്‍ call-centreല്‍ വിദേശ Insurance companyകള്‍ക്കായി കൂലി പണി ചെയ്യുന്നു. മസ്തിഷ്കത്തെ മുരടിപ്പിക്കുന്ന ഈ ഏര്‍പ്പാടു ഒരു കാരണം തന്നെയാണു്.

Unicode Campaign ver 2.1

പൂര്‍ണമായും മലയാളം Unicodeല്‍ ഇപ്പോള്‍ പ്രവര്ത്തിക്കുന്ന ചില സ്ഥാപനങ്ങളുടേ ഒരു പട്ടിക ഉണ്ടാക്കണം എന്നു കരുതുന്നു. നിരന്തരമായി തിരുത്തലുകള്‍ വരും എന്നുള്ളതുകൊണ്ടു അതിനെ ഒരു wiki ആക്കി.

ഈ പട്ടിക എലാവരും ഒന്നു സഹകരിച്ചാല്‍ വികസിപ്പിച്ചെടുക്കാം.
അതോടൊപ്പം തന്നെ Unicodeലേക്ക് മാറാതെ ASCIIയില്‍ തൂങ്ങി കിടക്കുന്നവരുടേയും ഒരു ലിസ്റ്റ് അവിടെയുണ്ട്.

സിബുവിന്റെ മലയാളം യൂണികോടിന്റെ wikiയിലേക്കും. Kevinന്റെ AnjaliOldLipi എന്ന fontലേക്കും അവിടെ link ഉണ്ടാവും.

പലരുടേയും ബ്ലോഗില്‍ നാം ഇങ്ങനെ കണ്ടിട്ടുണ്ട്.
"This page uses Malayalam Unicode font. For instructions on setting up Unicode support in your systems, click here. To download font, click here."



ഇതിനു പകരം അത് ഇങ്ങനെ മാറ്റാം
ഇതോടൊപ്പം തന്നെ അവിടെ ഒരു standard textഉം ഒരു badgeഉം നമുക്ക് കൊടുക്കാം. അപ്പോള്‍ മലയാളം unicodeനെ കുറിച്ച് ജനത്തിനെ ബോധവല്ക്കരിക്കുകയും ചെയ്യാം.

This blog is in Malayalam. To read this content you should install a Malayalam Unicode font

ഇനി ഈ സിമന്റും കമ്പിയും ചുടകട്ട കഷണങ്ങളും....

മൂന്നാറില്‍ അനധികൃതമായി നിര്‍മ്മിച്ച എല്ലാ കെട്ടിടങ്ങളും പൊളിച്ചു എന്നത് വളരെ നല്ല കാര്യം തന്നെ. നേതാക്കന്മാര്‍ക്ക് കൊതി കെറു മൂത്തിട്ടാണു ഓടി ചെന്നു കഴിഞ്ഞ ഇലക്ഷനു കായി തരാത്ത എല്ല മൊയ്ലാളിമാരുടെം പള്ളക്കിട്ട് ചവിട്ടിയത് എന്നുള്ളത് വേറെ കാര്യം. അതിലോട്ട് ഒന്നും കടക്കുനീല്ല. രണ്ടു കൂട്ടരും ചെറ്റകളായതുകൊണ്ടു നമ്മുടെ നിലവാരത്തിനു പറ്റിയ വിഷയമല്ല.

എന്റെ ചില സംശയങ്ങള് അതൊന്നുമല്ല‍:

ഇനി ഈ ഇടിച്ച് പോളിച്ച ഇട്ട സിമന്റും കമ്പിയും ചുടകട്ട കഷണങ്ങളും എന്തു് ചെയ്യും? ആനയ്ക്കും പുലിക്കും തിന്നാനായി കാട്ടില്‍ കൊണ്ടു തട്ടുമോ? അതോ പൊളിക്കാന്‍ പോയവര്‍ ഇതിനെയെല്ലാം ലോറിയില്‍ ചുമന്ന് കയറ്റി നമ്മുടെ സ്വന്തം മാലിന്യ സംസ്കരണ സ്ഥാനങ്ങളായ railway track ന്റെ സൈഡില്‍ കൊണ്ടു തട്ടുമോ? അതോ ഇറച്ചി കോഴിയുടെ waste തട്ടാന്‍ മാത്രമായി നിര്‍മ്മിച്ചിരിക്കുന്ന പാലങ്ങളുടെ കീഴിലോ?

മണ്ണ് വാരി മണ്ണ് വാരി കായലുകളും ആറുകളും ആഴം കൂടി എന്നു നിലവിളിക്കുന്നവരുടെ സമാധാനത്തിനു് ഇതെല്ലാം കൊണ്ടു് അവിടെ കൊണ്ടിട്ട് നികത്തിയാലോ?

വേണ്ട. അതൊന്നും വേണ്ടിവരില്ല. എന്തായാലും ഈ കുടി ഒഴിപ്പിച്ച എല്ലാ സ്ഥലങ്ങളും തിരിച്ച് Forest Departmentനു കൈമാറാനൊന്നും പോണില്ല. സിമന്റും കമ്പിയും ചുടുകട്ട കഷണങ്ങള്‍ എല്ലാം അവിടെ തന്നെ കിടക്കട്ടേ. Foundation ഉറപ്പിക്കാനായി അതെല്ലാം അവിടെ തന്നെ കുഴിച്ചിടാം.

എന്തായാലും ദേവികുളത്ത് അടുത്ത വര്‍ഷം പോകുമ്പോഴ് പഴയ കെട്ടിടങ്ങള്‍ പോയി കുറേ പുതിയ കെട്ടിടങ്ങള്‍ അവിടെ തന്നെ കാണാം. ഇതായിരിക്കും ഈ Tourism വികസനം വികസനം എന്നു പറയുന്നത്, അല്ലെ?

പഴങ്കഞ്ഞി !

പണ്ടു പോര്‍ച്ചുഗീസുകാരു കപ്പലില്‍ പോയി അമേരിക്ക കണ്ടുപിടിച്ച ചരിത്രം ഓര്‍മ്മവരുന്നു. ‌അവമ്മാരെല്ലാംകൂടി തൊഴഞ്ഞ് തോഴഞ്ഞ് അമേരിക്കയില്‍ ചെന്നു പെട്ടു. എന്നിട്ട് അത് അവരുടെ കണ്ടുപിടുത്തമാണെന്നു പറഞ്ഞുണ്ടാക്കി. അവിടെ യുഗങ്ങളായി ജീവിച്ചിരുന്നവരുടെ അറിവെല്ലാം അപ്രസക്തം.

അതുപോലെയാണു പണ്ടെങ്ങാണ്ടുണ്ടാക്കിയ ഈ മലയാളം യൂണികോഡ് ബൈബിള്‍നെ (2004ല്‍) Asianet News ഇപ്പോള്‍ "കണ്ടുപിടിച്ചതു". ഇതുവരെ ഇവര്‍ ആരും കണ്ടില്ലെ? അതോ അതു കാണാനുള്ള് സംവിധാനം ഇല്ലായിരുന്നോ? സംവിധാനം ഉണ്ടായിരുന്നിട്ടൂം പരിജ്ഞാനം ഇല്ലായിരുന്നോ? അതോ പ്രസക്തമാണെന്നു തോന്നിയില്ലെ?

കഴിഞ്ഞ മൂനു വര്‍ഷമായി ഇന്റര്‍നെറ്റ് ഉപയോഗിക്കുന്ന മലയാളികള്‍ക്ക് ഇതു സുപരിചിതമാണെന്നാണു ഞാന്‍ കരുതുന്നത്. ബ്ലോഗ് വായനക്കാര്‍ക്കും എന്റെ സുഹൃത്തുക്കള്‍ക്കും ഇതേപ്പറ്റി അറിയാം. അപ്പോള്‍ ഇതു് അവരെ സമ്പന്ധിച്ചിടത്തോളം പഴങ്കഞ്ഞിയാണു്. പിന്നെ മാദ്യമങ്ങള്‍ക്ക് ഈ ബ്ലോഗ് സമൂഹം കുഷ്ടരോഗികളും മാനസിക രോഗികളേയും പോലെ ഒരു നിന്ദ്യവര്‍ഗ്ഗമാണല്ലോ. ബ്ലോഗ് വെറും അപ്രസക്തം. ഇത് ഇപ്പോഴ് വാര്‍ത്തയായി വന്നതിന്റെ കാരണവും മലയാളം ബ്ലോഗ് എഴുതുന്ന എന്റെ സുഹൃത്തും മാദ്ധ്യമ പ്രവര്‍ത്തകനുമായ ഒരു സുഹൃത്തിന്റെ പരിശ്രമത്തിന്റെ ഫലമായിട്ടാണു്. അദ്ദേഹം എന്നോടു ഈ അഭിമുഖത്തെ പറ്റി പറഞ്ഞപ്പോഴും ഈ സംഭവത്തിന്റെ പഴക്കത്തെപറ്റി ഞാന്‍ സൂചിപ്പിച്ചിരുന്നു. പിന്നെ ഞാന്‍ ആലോചിച്ചു. പഴങ്കഞ്ഞിയാണെങ്കിലു മീന്‍ കറിയും അല്പം അച്ചാറുമിട്ട് ഒരു പിടിപിടിക്കാം എന്നു കരുതി. യേത്? Malayalam - Unicodeനേ പറ്റി ഒരു ഞരിപ്പ് പ്രസംഗത്തിനുള്ള എന്തിനു ചുമ്മ കളയണം?

ഞാന്‍ സമ്മതം മൂളി. കഴിയുമെങ്കില്‍ പത്ര മാദ്ധ്യമത്തിനും, കേരളത്തിലെ IT missionഉം, സര്‍ക്കാറിനും, ഒരു തൊഴിയും കൊടുക്കാം എന്നും കരുതി. (നല്ല തൊഴികിട്ടിയാല്‍ ഏത് വയസനും ഒന്നു ചാടും.) അറിയാവുന്ന സാങ്കേതിക മലയാള പദങ്ങള്‍ ഉപയോഗിച്ച് വളരെ ലളിതമായി തന്നെ ഞാന്‍ Unicodeനെ കുറിച്ചും മലയാള മുദ്രണ സംവിധാനത്തെകുറിച്ചും, അതിന്റെ അഭാവത്തില്‍ ഭാഷക്കുണ്ടാവുന്ന ജീര്‍ണതയേ കുറിച്ചുമെല്ലാം പറഞ്ഞു. ഈ വിഷയത്തില്‍ സര്‍ക്കാറിന്റേയും മാദ്ധ്യമങ്ങളുടെയും അലക്ഷ്യമായ മനോഭാവത്തെ പറ്റിയും ഞാന്‍ പറഞ്ഞിരുന്നു. എന്നു വെച്ചാല്‍ ഒരു ഞെരിപ്പ് പ്രസങ്ങം തന്നെ ഞാന്‍ അവിടെ നടത്തി. പക്ഷെ അതെല്ലാം cut ചെയ്തിട്ട് അവര്‍ക്ക് മനസിലാവുന്ന കുറച്ചു കാര്യങ്ങള്‍ മാത്രം അവതരിപ്പിച്ചു. പിന്നെ അവരുടെ കുഞ്ഞു മനസുകള്‍ക്ക് മനസിലാവാത്ത ചില കാര്യങ്ങള്‍ അവര്‍ സങ്കല്പിച്ചും പറഞ്ഞു. അതായത്: "നൌഷാദ് ഒരു ഇസ്ലാം മത വിശ്വാസിയാണെന്ന്". ഏതോ ഒരു നൌഷാദിന്റെ കാര്യമായതുകൊണ്ടു കുഴപ്പമില്ല. ക്ഷമിക്കാം.

അപ്പോള്‍ lowest common denominatorനു മനസിലാവുന്നതു് മാത്രമാണോ ഈ വാര്‍ത്ത പരിപാടി. ഗൌരവമായ കാര്യങ്ങള്‍ പിന്നെ എവിടെ വാര്‍ത്തയായി വരും? അരു് കേള്‍ക്കും? എന്റെ തംശയങ്ങളാണെ. Unicodeന്റെ ആവശ്യവും അതിന്റെ പ്രസക്തിയും ഇനി ഏത് കാലത്താണവോ നമ്മളുടെ മാദ്ധ്യമ പ്രവര്‍ത്തകര്‍ മനസിലാക്കുക.

ഒന്നാലോചിച്ചാല്‍ പത്ര പ്രവര്‍ത്തകരെ കുറ്റം പറയാന്‍ കഴിയില്ല. കാരണം ഈ വിഷയങ്ങളില്‍ ഉള്ള പൊതുവെയുള്ള പരിജ്ഞാനം അവര്‍ക്ക് കുറവാണ്. Researchനോന്നും സമയവും കൊടുക്കാറില്ല. എന്തിനു ഏറെ പറയണം അവരുടെ സ്ഥാപനങ്ങള്‍ അവര്‍ക്ക് വീട്ടില്‍ ഉപയോഗിക്കാന്‍ സൌജന്യമായി ഒരു internet connection പോലും കൊടുക്കാറില്ല. പിന്നെ ഇതു വല്ലതും അവര്‍ പഠിച്ചിരുന്നു എങ്കില്‍ പിന്നെ ഈ പേന ഉന്തല്‍ പണി അവര്‍ ചെയ്യില്ലല്ലോ.

കഴിഞ്ഞ ആഴ്ച നട്ടില്‍ പ്രസിദ്ധനായ ഒരു സീനിയര്‍ പത്ര പ്രവര്‍ത്തകനോടു ഈ തൊഴിലോനേ കുറിച്ച് ഒരു സംവാദം നടത്തിയപ്പോള്‍ അദ്ദേഹം ഒരു സത്യം എന്നോടു പെട്ടിതുറന്നു പറയുകയുണ്ടായി. "ഇതു് അരി വാങ്ങാനുള്ള ഏര്‍പ്പാടാണു. ലോകം നന്നാക്കാനുള്ളതല്ല". ഞാന്‍ അപ്പോള്‍ തന്നെ തോല്‍വി സമ്മതിച്ചു.

ദാണ്ടേ ഞാന്‍ TVയില്‍

May 7, 2007നു, രാത്രിയുള്ള Asianet Newsല്‍ ഞാന്‍ 2004ല്‍ release ചെയ്ത Unicode മലയാളം ബൈബിളിനെ കുറിച്ച് ഒരു interview ഉണ്ട്.

നാളെ രാത്രി 9:30pm (നാട്ടില്‍ 11:00pm എല്ലവരും Fashion TVയുടെ മുമ്പില്‍ കുത്തിയിരിക്കുന്ന സമയം) Gulf Round upലും ഇതു ഒരു news feature ആയി വരും.

കണ്ടിട്ട് എന്റെ തലമുടിയെകുറിച്ചുള്ള നിങ്ങളുടെ വിലയേറിയ അഭിപ്രായങ്ങള്‍ പറയണം. ഇപ്പോള്‍ Garnierന്റെ Fructis എന്ന conditioner ആണു ഉപയോഗിക്കുന്നത്. നന്ദി

മൂന്നാറും "പോത്ത്" ആറും (part 2)

ചിന്നാറില്‍ വെച്ച് മറക്കാനാവാത്ത ഒരു കാഴ്ച ഞങ്ങള്‍ കണ്ടു. ഞങ്ങള്‍ സഞ്ചരിച്ചിരുന്ന വാഹനം വനത്തിന്റെ അരുകിലുള്ള് റോഡ് വഴി പോവുകയായിരുന്നു. റോടിന്റെ ഇരുവശത്തും 1 meter പൊക്കത്തില്‍ വെള്ള concrete barricade നിര്‍മ്മിച്ചിരുന്നു. റോഡ് ഒരു വളവു കഴിഞ്ഞപ്പോള്‍ വലതുവശത്ത് ഒരു തുറന്ന സ്ഥലം കണ്ടു. അവിടെ ഞാന്‍ David Attenborough ചിത്രങ്ങളില്‍ കാണാറുള്ള ഒരു കാഴ്ച കാണാന്‍ ഇടയായി.

അപ്പോഴ് ഇന്ത്യന്‍ സമയം 7:11 pm. വെട്ടം തീരെയില്ല. പടങ്ങള്‍ മോശമാകും എന്ന് അറിഞ്ഞുകൊണ്ടു തന്നെ എന്റെ ഓര്‍മ്മക്കായി മാത്രം ഞാന്‍ പടം എടുക്കാം എന്നു തീരുമാനിച്ചു.

ധൈര്യം സംഭരിച്ച് ഞാന്‍ barricade കടന്നു കുറ്റികാട്ടിലേക്ക് ഇറങ്ങി. എന്റെ മുന്നില്‍ ഒരാള്‍ പൊക്കത്തില്‍ വളര്‍ന്നു നില്ക്കുന്ന കുറ്റിച്ചെടികൾ. അതിന്റെയും അപ്പുറം ചെറിയ തടാകം. അതിന്റെ പുറകില്‍ അസ്ഥമിക്കുന്ന സൂര്യന്റെ കിരണങ്ങള്‍ ചുംബിച്ച് വിടപറയുന്ന മലനിരപ്പുകൾ. മേഖങ്ങള്‍ അതിവേഗത്തില്‍ മാഞ്ഞു കൊണ്ടിരുന്നു. ഇതു ഭാരതമാണോ എന്ന് ഞാന്‍ സംശയിച്ച്. ഇതു് Kenya തന്നെയാണു്. Yes! this is our own little Savannah.

ഏകദേശം ഒരു 70 m മുമ്പില്‍ ഒരു Hummer H2 വലുപ്പത്തില്‍ ഒരു കാട്ടുപോത്ത് !!. അവന്റെ സമീപം ഏഴെട്ട് പരിവാരങ്ങളുമുണ്ടായിരുന്നു. Mr. കാട്ടുപോത്തന്‍ അല്പ നേരം എന്നെ തന്നെ നോക്കി അവിടെ നിന്നു. എന്റെ പെടലിക്ക് ഒരു തണുത്ത കാറ്റ് വീശി. വിയര്‍പ്പിന്റെ തുള്ളികള്‍ എന്റെ പുരികം വിഞ്ഞൊഴുക്കുന്നുണ്ടായിരുന്നു. ഇരുട്ടത്ത് Viewfinderല്‍ കൂടി ഒന്നും കാണുന്നില്ലായിരുന്നു. പെട്ടന്നു തന്നെ ഞാന്‍ കാമറയുടെ menuല്നിന്നും ISO 3200 ലേക്ക് മാറ്റി. grains ഉണ്ടായാലും ഇതു miss ചെയ്തുകൂട. ഒരു emergencyക്ക് Tripod ഒട്ടത്തിനു തടസമാകും എന്നു കരുതി ഞാന്‍ അതും കൂടെ കൊണ്ടുവന്നില്ല.


വട്ടിളകി കാട്ടുപോത്ത് charge ചെയ്താല്‍ barricade ചാടിക്കടന്ന് തിരിച്ച് ഓടാന്‍ തൈയ്യാറായിട്ടാണു ഞാന്‍ നിന്നിരുന്നത്. എങ്കിലും എന്നെ ശ്രദ്ദിക്കാതെ ശാന്തനായി മേച്ചില്‍ തുടര്‍ന്നു. അപ്പോള്‍ കാട്ടിന്റെ വലതു ഭാഗത്തു നിന്നും ഏകദേശം 230 m ദൂരത്തുനിന്നും ഒരു ആന വളരെ ദേഷ്യത്തില്‍ തന്നെ കാട്ടുപോത്തിന്റെ അരുകിലേക്ക് ഓടി വന്നു. ഇവര്‍ പണ്ടേ അല്പം അലൌഹ്യത്തില്‍ ആയിരുന്നിരിക്കണം. Mr. കാട്ടുപോത്തന്‍ Mr. കൊമ്പനെ നോക്കി കാലുകൊണ്ട് പൊടി പറത്തി. (ഇവന്മാര്‍ Tom & Jerry cartoons ശെരിക്കും കണ്ടിട്ടുണ്ടാവണം.) കോമ്പന്‍ കൂട്ടാക്കിയില്ല. അവന്‍ പോത്തിന്റെ നേരെ നിങ്ങി. അപ്പോള്‍ പോത്തനു ഹാലിളകി, അദ്ദേഹം പരിവാരങ്ങളുമൊത്തു് ആനയുടെ നേര്‍ക്ക് ഓടി തുടങ്ങി. കാട്ടുപോത്തിന്റെ മൂനിരിട്ടി വലുപ്പമുള്ള ആന ഇതുകണ്ട് കാലിന്റിടയില്‍ വാലും ചുരുട്ടി കാട്ടിലേക്ക് തിരിഞ്ഞോടി. ഞാന്‍ ഇതുകണ്ടു ഞെട്ടിപ്പോയി. കാട്ടുപോത്തുകള്‍ എല്ലാം കാട്ടിലേക്ക് ആനയെ പിന്തുടര്‍ന്നു. പോടിയും ശബ്ദവും കൊണ്ട് ഒന്നു കാണാന്‍ കഴിഞ്ഞില്ല.

10 സെകന്റ് കഴിഞ്ഞു. കാട്ടിലേക്ക് ഓടിയിയ കാട്ട് പോത്തുകള്‍ ഇടിവെട്ടിന്റെ  അകമ്പടിയോടെ കട്ടില്‍ നിന്നും തിരിച്ചു ഓടുന്നു. ഇവര്‍ ഇങ്ങനെ തിരിഞ്ഞോടണമെങ്കില്‍ കാട്ടിനുള്ളില്‍ ആന ഒന്നല്ല. ഒരു വന്‍ ആന കൂട്ടം തന്നെയുണ്ടാവും. ഞാന്‍ അല്പ നേരം അമ്പരന്നു നിന്നു. ഓടാന്‍ സമയമായി. ഇവന്മാരെല്ലാം എന്റെ നേര്‍ക്കെങ്ങാനം ഓടിയാല്‍...ൽ?...

Excitement എനിക്ക് താങ്ങാനാവുന്നതിന്റെയും അപ്പുറമായി എന്നു് എനിക്കും തോന്നി തുടങ്ങി. പുറകില്‍ നിന്നും കൂട്ടുകാര്‍ എന്നെ തിരികെ വിളിക്കുന്നുമുണ്ട്. ഞാന്‍ തിരിഞ്ഞോടി. barricade ചാടി കടന്നു. പടങ്ങള്‍ ഒന്നും നല്ലതുപോലെ എടുക്കാന്‍ കഴിഞ്ഞില്ല എന്ന ദുഖം ആദ്യമൊക്കെ തോന്നിയിരുന്നെങ്കിലും  പിന്നെ അത് കാര്യമാക്കിയില്ല. കണ്ട കാഴ്ചകളും അതിന്റെ politicsഉം എത്ര ശ്രമിച്ചാലും ഒരിക്കലും പകര്‍ത്തableഉം അല്ലായിരുന്നു.

എന്തായാലും ഇവിടെ ഞാന്‍ ഇനിയും വരും, ഈ savaanah scene പകര്‍ത്താനായി. ഇവര്‍ എല്ലാം ഇനി എത്ര കാലം ഇവിടെ  സ്വാതന്ത്ര്യത്തോടെ ഇവിടെ ജിവിക്കും എന്നെനിക്ക് അറിയില്ല. എന്റെ മക്കള്‍ക്ക് ഈ കാഴ്ച കാണാന്‍ കഴിയുമോ? സംശയമാണു. വലിയ സംശയം.

മൂന്നാറും "പോത്ത്" ആറും (part 1)

"ആറു് പോത്തുകള്‍. ആറാം പോത്തു കാമറക്കു പിന്നില്‍"

ഞങ്ങള്‍ മൂന്നാറില്‍ പോയത് പതിറ്റാണ്ടുകളുടെ ബന്ദമുള്ള ആറ് സുഹൃത്തുക്കളുമായിട്ടാണു. വര്‍ഷത്തില്‍ ഒരിക്കല്‍ ഞങ്ങള്‍ എവിടെയെങ്കിലും വെച്ച് ഇങ്ങനെ കൂടാറുണ്ട്. ഇത്തവണ അതു മൂന്നാറില്‍ വെച്ചായിരുന്നു.

ഞങ്ങളുടെ എല്ലാം അടുത്ത സ്നേഹിതരായ മുംബൈക്കരായ രണ്ടു "konkan brothers". പിന്നെ ഒരിക്കലും കൂടാന്‍ പാടില്ലാത്ത മൂനു പേരും. contractor, client & consultant. എന്തു ചെയ്യാം ആത്മാര്‍ത്ഥ സുഹൃത്തുക്കളായിപ്പോയില്ലെ. ഞങ്ങളെല്ലാരും ഒരുമിച്ച് ഒന്നു രണ്ടു on-going projectല്‍ ഏര്‍പ്പെട്ടിരിക്കുബോഴാണു് നാലു ദിവസത്തെ ഒരു ഒളിച്ചോട്ടം. ഈ നാലു ദിവസം മൂനുപേരും ജോലിക്കാര്യം സംസാരിച്ചാല്‍ ഇടി ഉറപ്പായിട്ടും കിട്ടും എന്നു ശപതം ചെയ്തിട്ടാണു ഞങ്ങള്‍ planeല്‍ കയറിയതു തന്നെ. വീട്ടില്‍ കാരണം പറയാന്‍ പത്തനംത്തിട്ടയില്‍ ഒരു clientനെ കാണാനും ഒരു legitimate കാരണം കണ്ടുവെച്ചിരുന്നു. ഭാഗ്യം!

നാലു ദിവസത്തിന്റെ ഒളിച്ചോട്ടം. അതാണു ഈ ചിത്രങ്ങള്‍. ഞങ്ങളുടെ കൂട്ടത്തില്‍ "സലിം അലി" എന്നാണു ഈ പണ്ടാരങ്ങള്‍ എന്നെ സ്നേഹാദരവോടെ വിളിക്കുന്നത്. "സലിം അലി" എന്ന ആ വലിയ മനുഷ്യന്റെ പേരു് എനിക്ക് ഒട്ടും ചേരില്ല. അദ്ദേഹത്തിന്റെ പാത തുടരാനുള്ള വിവരവും അര്‍പ്പണ മനോഭാവവും ഒന്നും എനിക്കില്ല. അദ്ദേഹം പക്ഷിശാസ്ത്രത്തില്‍ പലര്‍ക്കും സാക്ഷാല്‍ ഗുരുദേവന്‍ തന്നെയാണു.

"എന്റെ സുഹൃത്തുകളുമായി കാട്ടില്‍ പോയാല്‍ ഒരു കിളി പോയിട്ട് ഈച്ച പോലും അടുക്കില്ല."

ദേവന്‍ പറഞ്ഞ rajamala, chinnar, maravoor, എല്ലാം പോയി കണ്ടു. പക്ഷെ പക്ഷികളെയൊന്നും കണ്ടില്ല. എന്റെ സുഹൃത്തുകളുമായി കാട്ടില്‍ പോയാല്‍ ഒരു കിളി പോയിട്ട് ഈച്ച പോലും അടുക്കില്ല. അത്രമാത്രം spiritഉ അത് ഉള്ളില്‍ കിടന്നുണ്ടാക്കുന്ന കോലാഹലങ്ങളും കേട്ടാല്‍ കാട്ടാന പോലും തിരിച്ചോടും. പക്ഷെ ഞാന്‍ അതെല്ലാം ക്ഷമിക്കും. അവര്‍ എന്റെ പ്രീയപ്പെട്ട കുഞ്ഞ് സഹോദരങ്ങളാണു.

ബ്ലോഗില്‍ പ്രേമലേഖനങ്ങളും, മാവിലേറും.

എനിക്ക് മലയാളത്തില്‍ എഴുതി പരിചയം വളരെ കുറവാണു എന്ന കാര്യം അറിയാമല്ലോ. അറിയാവുന്നതെല്ലാം സാങ്കേതികമാണു. അതൊന്നും നമ്മളുടെ കൂട്ടര്‍ക്ക് താല്പര്യമില്ല. അങ്ങനെയുള്ള postകളൊന്നും ആരും വായിക്കാറുമില്ല.

ഇവിടെ മാങ്ങാ ഏറിന്റെ കാര്യത്തിലും, വിരഹം പങ്കുവെക്കുന്നതിന്റെ കാര്യത്തിലും, phd ഉള്ള പുള്ളികളുടെ ഇടയില്‍ ഞാന്‍ ഒരു അധികപറ്റായി എനിക്ക് പലപ്പോഴും തോന്നിയിട്ടുണ്ട്.

ബ്ലോഗ് restrict ചെയ്തതിന്റെ കാരണം പലതാണു.
കുടുതല്‍ personal ആയി അറിയാവുന്നവര്‍ തമ്മിലാകുമ്പോള്‍ തെറ്റിധാരണകളുണ്ടാവില്ല. എന്നെയും എന്റെ (വട്ടന്‍!) ചിന്തകളേയും അറിയുന്നവരാണു എന്റെ material വായിക്കുന്നതെങ്കില്‍ അതാണു് നല്ലത്. ചുരുക്കി പറഞ്ഞല്‍ ഞാന്‍ ഒരു average serial-mallu അല്ല. എനിക്ക് സിനിമ നടിമാരെയൊന്നും അറിയില്ല്. വിരഹ ദുഖത്തിന്റെ കവിതയും, പ്രണയത്തിന്റെ കഥകളും എഴുതാന്‍ അറിയില്ല.
അനേകം "ഐറ്റംസ് " ചുമ്മ കൂടെ ഇറങ്ങി വരുന്ന ചുറ്റുപാടില്‍ വളര്‍ന്നുവന്നവനാണു ഞാന്‍. ചെറുപ്പത്തില്‍ മാങ്ങ എറിഞ്ഞ കഥകളൊന്നും അറിയില്ല. കാരണം അന്നു് അബു ദാബിയില്‍ മാവില്ലാത്തതുകൊണ്ടു തന്നെ. പണ്ടു ചെറുപ്പത്തില്‍ അറബി പിള്ളേരേയും ബങ്കാളികളേയും ഓട്ടിച്ചിട്ട് ഇടികൊടുത്ത കഥകള്‍ വേണമെങ്കില്‍ പറഞ്ഞുതരാം.

സമാജത്തില്‍ നാടകത്തിന്റെ അവസാനം "രക്തം" ശര്‍ദ്ദിക്കുന്നതിനു പകരം (baloonഇല്‍ ഇട്ട് "രക്തം" വായിലിട്ട് പോട്ടാത്തതുകൊണ്ടു ) ഹൃദയം പോട്ടി മരിച്ചു കാണിക്കേണ്ടി വന്നതിനെ പറ്റിയും, വേണമെങ്കില്‍ എഴുതാം. പക്ഷെ അതെല്ലാം വെറും അനുഭവങ്ങള്‍. ചരിത്രങ്ങള്‍. അതു വായിച്ചിട്ട് വരും തലമുറക്ക് എന്തു കിട്ടും? ഒരു രോമവും ഇല്ല.

നര്‍മ്മം അതിമനോഹരമായി എഴുതുന്ന sandozഉം, കുറുമാനും, വിശാലനും, ദില്ബനും എല്ലാം ഇവിടെയുള്ളപ്പോള്‍ ഞാന്‍ എന്തിനു് അതു ചെയ്യുന്നു?

അപ്പോള്‍ ഒന്നുകൊണ്ടും ഒരു average മലയാളിയുടെ ചിന്താഗതിയുമായി ഞാന്‍ ചെരില്ല. എന്റെ പല കാഴ്ചപാടുകളും വിവാദങ്ങളില്‍ ചെന്നവസാനിക്കാറുണ്ട്. അപോള്‍ അല്പം വിട്ടുമാറി നില്കുന്നതല്ലെ നല്ലത്? നിങ്ങള്‍ പറയൂ.